姚姚酸菜魚 (希慎廣場)

營業中

休息中

早排行過希慎見到呢間有得食麻辣香鍋，今日早左收工就同同事一齊食晚飯，呢到地方大，坐得幾舒服，岩岩仲見到太陽落山添。麻辣香鍋配料選擇多，辣度麻度都可以根據自己喜好去選擇，我地就揀左魷魚鬚，嫩牛肉，脆皮肥腸，千頁豆腐， 萵荀片，超級推介嫩牛肉，份量多食極都仲有，牛肉嫩滑，肉味濃郁， 萵荀片口感爽脆，魷魚鬚香和脆皮肥腸都好惹味，煙韌有咬口。麻醬雞絲粉皮雞絲嫩滑，粉皮入口煙韌彈牙，麻醬味道香濃，好味。紅糖糯米糍粑呢個一定要叫，糍粑新鮮炸起，口感煙煙韌靭，我揀左多紅糖，香甜可口。