一鍋堂 (XX Arcade) (已結業)

一鍋堂我最鍾意既任食火鍋店Top 3之一.次次黎親旺角店都大排長龍，今次食7pm果輪，好彩朋友預先訂位，等左一陣就安排入座.見到餐廳有新出金寶忌廉周打蜆湯湯底，好吸引，即刻揀左；另外仲揀埋杏汁豬肺湯，夠滋補，火鍋套餐就揀左B.自助區域既小食好多款式，有麻辣豬耳、話梅豬手、酸辣鳳爪、凍海蝦等等。麻辣豬耳又辣又麻好惹味，凍海蝦大大隻肉又彈牙.仲有麻辣三寶，鴨血好滑又吸收左麻辣汁.飲品識揀一定揀自家製飲品，薄荷烏龍冇糖夠健康！.火鍋配料係電話掃code落單，好多款式、肉類、海鮮、手打丸、蔬菜等等.鍾意食海鮮既我推介蜆類，珍珠貝同沙白蜆都鮮甜而冇沙.牛肉方面，牛板健比較少脂肪、有肉質纖維口感；牛小排就脂肪比例高d，香而嫩.特色手工類，蟹子蝦膠釀冬菇第一次食，好夾！.手打蝦滑、黑松露墨魚滑都好足料，絕不馬虎.連8寸長既蟹棒都有得任食！.最後當然係指定動作食番杯乳酪雪糕.呢間火鍋食材好高質，性價比高！難怪晚晚都咁多人排隊食！