花斑茶社 (海天晉滙) (已結業)

去咗飲至愛嘅花斑茶社，叫咗一杯經常飲嘅珍珠奶茶，因為唔想食咁多珍珠，所以另外叫咗一杯第一次飲嘅可可奶茶，珍珠奶茶就唔使講啦，一路以嚟覺得花斑嘅珍珠係做得最好，軟硬適中，又有咬口，所以杯珍珠奶茶其實只需要保持到水準就足夠，一如以往冇令人失望，至於杯可可奶茶，之前未試過，今次一試覺得發現新大陸，佢嘅朱古力味唔會蓋過茶味，但同時間茶味又冇蓋過朱古力味，每一啖都飲到茶味同朱古力味，感覺好新鮮，就算加咗冰係溶咗冰之後，味道雖然淡咗，但係因為佢本身有朱古力味亦都有茶味，淡咗之後兩隻味都仲係好出，係一個唔要珍珠嘅好選擇。