喜鍋 海鮮‧火鍋‧小廚 (已結業)

前個星期同左幾個校友去左旺角球場踢波，踢完大家都話想去食火鍋，所以我地就去左上海街“喜鍋”火鍋店大刷一餐。甫入店內，店面不大，雖然談不少富麗堂煌，但總算舒適，我地上左二樓，餐單種類多，花多眼亂，經服務員介紹，我地就叫左個招牌魚湯海鮮鍋，仲送埋泡飯，宜家試食價為$188，真係非常超值。而且餐廳正值做緊優惠，凡惠顧滿五百元即送伍拾元現金券海鮮鍋裡面有中蝦，爽口彈牙好新鮮；還有特大元貝，真係超大隻，且新鮮，鲜味無比；另青口亦都好新鮮，無沙，處理得好乾凈。另外，將D熱辣辣嘅魚湯放入泡飯裡面，香氣撲撲，泡飯脆卜卜，加埋魚湯嘅鮮味“喜鍋"佢地嘅食材用料都非常講究，服務亦周到，值得介紹俾大家一試。