影片
更多
2021-09-15
3996 瀏覽
再次食呢間我最愛嘅鐵板燒店❤️今次為左就朋友番工就訂左位於灣仔The Hennessy嘅分店。店舖位於The Hennessy嘅30樓，座位大部分都有落地大玻璃，可以遠眺港島嘅夜景。今次我地嘅座位就唔係對住師傅，冇得望住佢地燒野食。前兩次都係食佢地嘅lunch set, 今次就試埋佢地嘅dinner set😋我地就揀左✨美國牛肉薄燒/厚燒Teppanyaki Set($2680 2pp)，內容非常豐富，真係飽到捧住個肚走。✨前菜前菜三款分別係凍芝麻豆腐、海膽魷魚同高糖蕃茄。三款嘅味道都係偏清新，作為開胃菜非常合適。✨刺身三盛緊接住前菜嘅係三款時令刺身：赤身、間白、炙燒拖羅。先食左白身魚先，再慢慢食味道較濃嘅赤身同拖羅，整體味道都幾鮮甜。✨牛油果蟹肉他他他他嘅層次豐富，由底至頂分別係麵包、牛油果、蟹肉、蕃茄粒同三文魚子，呢個配搭基本上都好少失手😋✨鐵板燒帶子終於入戲肉，開始食鐵板燒海鮮。最先出場嘅係味道較淡嘅帶子，同樣係非常新鮮，火喉控制得非常好，食到微微焦香之餘亦保持到刺身般嘅口感。✨鐵板燒大蝦燒大蝦同樣出色，蝦肉嘅鮮味突出，再配以餐廳特調嘅海鮮醬汁，真係想食多隻🤣✨鐵板燒龍蝦燒龍蝦又有
前兩次都係食佢地嘅lunch set, 今次就試埋佢地嘅dinner set😋我地就揀左✨美國牛肉薄燒/厚燒Teppanyaki Set($2680 2pp)，內容非常豐富，真係飽到捧住個肚走。
✨前菜
前菜三款分別係凍芝麻豆腐、海膽魷魚同高糖蕃茄。三款嘅味道都係偏清新，作為開胃菜非常合適。
前菜
39 瀏覽
0 讚好
0 留言
✨刺身三盛
緊接住前菜嘅係三款時令刺身：赤身、間白、炙燒拖羅。先食左白身魚先，再慢慢食味道較濃嘅赤身同拖羅，整體味道都幾鮮甜。
✨牛油果蟹肉他他
他他嘅層次豐富，由底至頂分別係麵包、牛油果、蟹肉、蕃茄粒同三文魚子，呢個配搭基本上都好少失手😋
✨鐵板燒帶子
終於入戲肉，開始食鐵板燒海鮮。最先出場嘅係味道較淡嘅帶子，同樣係非常新鮮，火喉控制得非常好，食到微微焦香之餘亦保持到刺身般嘅口感。
✨鐵板燒大蝦
燒大蝦同樣出色，蝦肉嘅鮮味突出，再配以餐廳特調嘅海鮮醬汁，真係想食多隻🤣
✨鐵板燒龍蝦
燒龍蝦又有另一番鮮味，龍蝦嘅火喉同樣係控制得好好，口感鮮嫩，再加埋蝦膏去煎，令成個味道更上一層樓。
✨鐵板燒美國牛肉
食完海鮮到食牛，其實食到呢度已經非常飽😂牛肉分別有薄燒同厚燒，兩款嘅牛味都非常香濃。我自己就比較鍾意薄燒，牛肉入都仲夾左香蔥同蒜粒，口感相對嫩滑同豐富😋
✨板神班戟
最後講下甜品板神班戟，我本身唔係太鍾意呢類梳乎厘pancake, 因為覺得蛋味好重，而呢度嘅pancake個蛋味係我可以接受嘅程度，而且空氣感十足，即使食完成餐飯再食都仲可以負擔到❤️
成個set除左上述提及嘅菜式外，仲有沙律、炒飯、湯等嘅料理, 所以大家可以想像到我食完之後係有幾飽😂整體而言，板神都係未試過令我失望😋Dinner set比起Lunch set味道確實更佳，亦食得出用料係更靚更新鮮，但價錢亦比lunch set貴double，所以個人覺得lunch set會抵食好多。
張貼
