影片
更多
2021-03-27
2420 瀏覽
其實我感覺到廚師對煮嘢食嘅熱誠，但係佢比較適合做返自己專長嘅菜式，小店人手有限，唔需要刻意做啲乜嘢擺盆，玩太多新菜式。其實我哋幫襯左兩次，兩次都係廚師發板（版？）。第一次係禁堂食嘅時候，海鮮外賣返屋企質素可能冇咁好所以想俾多次機會佢，所以前排再去多次堂食。其中有一味桂花白鱔，我覺得有啲浪費咗，可能廚師想帶出鱔嘅鮮味，所以佢冇調味，鱔嘅皮煎到好香，但係響碟上嘅桂花同埋蜜糖，同鱔嘅味道格格不入，而且條魚本身嘅肉比較實，響冇調味嘅狀態下鱔嘅肉會有少少酸味，我寧願佢做返豉椒，好似大排檔風格咁。魚湯菠菜好好味，聽講佢係魚湯好出名所以呢啲招牌嘅冇問題。跟住就嚟咗一個龍蝦，龍蝦下面係啲煎香嘅米粉餅，龍蝦好新鮮，廚師就咁煎香唔使點調味都好鮮甜，但係下面啲米粉份量太多，表面有煎香嘅地方好快就凍咗，剩返下面有啲濕嘅有少少不倫不類，龍蝦仲有一小碗湯汁，湯汁冇乜味道，作用不大，我寧願佢俾返伊麵底。頭盤係蒜蓉金菇聖子同埋扇貝，我本身好鍾意食蒜頭，覺得蒜蓉唔夠多，同埋佢冇好似出邊放D滾油，令到成碟野香口。總括嚟講成餐飯我覺得好清淡，可能廚師想帶出佢海鮮本身好新鮮唔需要太多調味，但係作為一個食慣味精嘅香港人來講，成
其實我哋幫襯左兩次，兩次都係廚師發板（版？）。
第一次係禁堂食嘅時候，海鮮外賣返屋企質素可能冇咁好所以想俾多次機會佢，所以前排再去多次堂食。
其中有一味桂花白鱔，我覺得有啲浪費咗，可能廚師想帶出鱔嘅鮮味，所以佢冇調味，鱔嘅皮煎到好香，但係響碟上嘅桂花同埋蜜糖，同鱔嘅味道格格不入，而且條魚本身嘅肉比較實，響冇調味嘅狀態下鱔嘅肉會有少少酸味，我寧願佢做返豉椒，好似大排檔風格咁。
魚湯菠菜好好味，聽講佢係魚湯好出名所以呢啲招牌嘅冇問題。
跟住就嚟咗一個龍蝦，龍蝦下面係啲煎香嘅米粉餅，龍蝦好新鮮，廚師就咁煎香唔使點調味都好鮮甜，但係下面啲米粉份量太多，表面有煎香嘅地方好快就凍咗，剩返下面有啲濕嘅有少少不倫不類，龍蝦仲有一小碗湯汁，湯汁冇乜味道，作用不大，我寧願佢俾返伊麵底。
頭盤係蒜蓉金菇聖子同埋扇貝，我本身好鍾意食蒜頭，覺得蒜蓉唔夠多，同埋佢冇好似出邊放D滾油，令到成碟野香口。
總括嚟講成餐飯我覺得好清淡，可能廚師想帶出佢海鮮本身好新鮮唔需要太多調味，但係作為一個食慣味精嘅香港人來講，成晚咁多碟菜全部白雪雪，有啲唔係好習慣。
最後，我絕對感受到廚師對佢食物質素嘅執着，佢希望比最好嘅俾我哋在座每一位，但係亦都希望佢明白自己只不過係一間小店，一個人同一時間要做咁多唔同嘅菜式，又要照顧咁多個客人，菜式可以保守少少，唔使做咁多花巧嘢，我相信有繼續去光顧佢嘅都係鍾意食佢嘅撚手嘢食，而唔係想試佢啲新菜式。
張貼