糖品 (已結業)

晚餐都無食，陰差陽錯同朋友走左入嚟食甜品充飢。原本頹頹地，無諗過食到出色嘅甜品真係可以令人即刻開心返曬！同朋友各叫左一個甜品，先送到嘅係梳乎厘，不過不失，勝在質感鬆軟同唔會死甜，不過兩個人食真係好似食空氣咁驚喜嘅係芒果法式杏仁酥，原本以為份量會偏少，點知佢隨左芒果同雪糕，重有大量微熱嘅杏仁酥同雪葩(？)舖滿一碟，淋上芒果慕絲，滿足感十足！一個人食略多，兩個人食啱啱好！極之推薦！隨左食物，店員姐姐真係好熱情！同佢傾足全程，真係越傾越開心，無諗過食個甜品都咁有人情味！我地遲d就返嚟幫襯呀！