影片
更多
2008-08-20
26 瀏覽
寫回月前大局的食評, 就係紫荊閣. 套用大生兄同埋南瓜兄的一句: 瘋狂的一夜. 狂在吃的食物, 實在係件件硬野, 比小弟樓下的食評更加之得人驚. 在此再謝過黎生的安排, 讓大家享受了一晚帝王式的款待.去飲宴都係得八道菜色, 是晚的菜色竟然係十三道!懷舊金錢雞: 7分, 一來就係金錢雞, 比起其他店來講, 這裡的金錢雞係比較失色, 面頭勁油, 件雞肝實在油淋淋, 賣相一般, 不過就幾香口的. 小弟吃的那件冰肉還算帶點肥, 不過吃得這個金錢雞, 其實情願要件全肥的好了, 好過現在的不湯不水. 叉燒肉質實實. 或許係小弟的要求高了, 但是晚的開頭, 實在有點失望.燒雞肝: 7分, 吃完金錢雞, 就輪到燒雞肝, 其實這兩道菜係有點重複了. 這碟雞肝, 同樣的油淋淋, 都係一件起一件止好了, 就算高呼膽固醇萬歲也不敢多吃.鴨掌包: 7分, 也係這裡的招牌, 起碼白頭佬當年來的時候就係吃這個鴨掌包. 做法係將鵝腸包起鴨掌, 叉燒, 雞肝等等而成. 吃落口第一感受係實在太硬, 實實的, 都幾難咬得開, 特別係叉燒, 不知是否是晚的叉燒不太靚. 加上比較乾身, 質感一般. 當然, 這種傳統菜色, 有得
去飲宴都係得八道菜色, 是晚的菜色竟然係十三道!
懷舊金錢雞: 7分, 一來就係金錢雞, 比起其他店來講, 這裡的金錢雞係比較失色, 面頭勁油, 件雞肝實在油淋淋, 賣相一般, 不過就幾香口的. 小弟吃的那件冰肉還算帶點肥, 不過吃得這個金錢雞, 其實情願要件全肥的好了, 好過現在的不湯不水. 叉燒肉質實實. 或許係小弟的要求高了, 但是晚的開頭, 實在有點失望.
燒雞肝: 7分, 吃完金錢雞, 就輪到燒雞肝, 其實這兩道菜係有點重複了. 這碟雞肝, 同樣的油淋淋, 都係一件起一件止好了, 就算高呼膽固醇萬歲也不敢多吃.
鴨掌包: 7分, 也係這裡的招牌, 起碼白頭佬當年來的時候就係吃這個鴨掌包. 做法係將鵝腸包起鴨掌, 叉燒, 雞肝等等而成. 吃落口第一感受係實在太硬, 實實的, 都幾難咬得開, 特別係叉燒, 不知是否是晚的叉燒不太靚. 加上比較乾身, 質感一般. 當然, 這種傳統菜色, 有得試的環境之下, 也應該要試的.
陳皮燉鴨湯: 8分, 吃完三個重型菜色, 終於來了個陳皮燉鴨湯一鼎. 大大隻鴨用來燉湯, 相當入味, 對喜歡喝湯的小弟來講, 都幾滿意.
桂花炒瑤柱: 6分, 色水麻麻, 炒得無乜火氣, 當作間場好了.
大良野雞卷: 7分, 外皮都炸得幾香脆的, 但係入面的肥豬肉不太肥, 口感差得遠了. 據師傅講係現今的食客不太喜歡肥膩菜色因而作出改動, 但坦白講, 真係唔改好過, 吃正宗的野雞卷, 總好過吃改版的.
雞蛋焗魚腸: 7分, 係是晚的傳統菜色當中, 這個雞蛋焗魚腸算係比較容易吃得到的. 這裡做得不過不失, 沒有太大的腥味, 但蛋不太滑, 吃落口也不覺得好香.
百花釀蟹鉗: 8分, 都相當大隻的蟹鉗. 炸得剛好, 吃落口熱辣辣, 入面的蝦膠鮮甜彈牙, 加上蟹肉的鮮味, 相當不俗.
富貴龍鳳球: 9分, 另一個招牌作. 根據資料, 這道菜色係七十年代的貴價酒席菜,當然那時小弟還未有機會嘗試. 做法就係將蝦與雞肝包好成龍鳳球的形狀, 炸熟後加入沙律汁再炒, 最後係面頭加上芝麻. 沙律汁起了中和的作用, 酸味味的, 好開胃, 也減低了油膩的感覺. 數著數著, 這道菜已經係是晚第四道有雞肝的菜色. 真是瘋狂.
老少平安: 7分, 即係魚肉加豆腐, 不知是否吃得太多重味的食物, 吃這道菜的感覺係好淡, 無乜味道, 一般.
懷舊八寶鴨: 7分, 年來也吃了不少八寶鴨, 這裡的水準只算普通. 底下的獻汁實在太多, 打開隻鴨後, 材料跌落水汪汪的的獻汁, 濕濕的, 不太對口味. 始終做這道菜, 還數蓮香, 而這裡做的八寶鴨, 正正係欠缺蓮子的香味.
花膠筒扒時蔬: 6分, 又係做得偏杰的一道菜色, 菜大大條, 比較老. 花膠筒咬口一般.
縐紗大元蹄: 7分, 去到最後, 還要來客大元蹄, 怎吃得下去. 當然, 菜色上到臺, 也要試試. 也係做到水汪汪的, 吃落口係幾肥美的, 肉質也鬆化, 但始終沒有窩燒元蹄的香口感覺.
隨著大廚出來寒暄, 帶來了椰汁糕, 綠豆沙同埋雪耳木瓜糖水, 幾喜歡椰汁糕, 經過一連串硬野, 吃回清清的甜品, 幾好.
平心而論, 整體食物水準不算太高, 但能夠試到一系列懷舊菜色, 也係不枉此行. 看完這食評的你, 如果還對這些傳統菜色有興趣, 也真要快快的試, 畢竟能夠吃得到這些菜色的機會只會越來越少.
張貼
