維港灣餃子坊

營業中

休息中

年幾前幫襯過維港灣舊鋪，佢個碗充滿家的味道嘅粉葛豬骨湯，清甜而且食落真喺無加味精，到宜家都記在心上。之後食過其他餃子店，都有食到好食嘅，但無一間做到維港灣個碗湯。今晚放工放得早，決定去佢元朗大馬路新鋪回味番。新鋪喺大馬路再行入去明渠附近，可以行埋附近啲街鋪，最後去到餐廳。鋪面就比舊鋪細啲，牆上面都有掛啲搞笑嘅海報，睇完會會心微笑。今次都叫番佢招牌四拼，同埋試下個新口味-三重芝士餃，加杯豆漿。呢到無論你叫湯定煎，每份餃都配一碗靚湯。先飲啖湯，有豬骨香甜，完全食到鮮甜味道來自食材，絕不是以味精提味，是久違了的味道! 餃子依然皮薄餡靚，食呢個餃子一定要配埋佢地的辣菜圃，微辣又夠鹹香，我會額外再滴少少醋在餡中間，自製豐富層次。三重芝士餃中間有濃鬱芝士和粟米，上面再鋪一層芝士和魚子。呢個帶點fusion風格的餃子，令我想起元氣和爭鮮。濃鬱的芝士，甜甜的粟米，還有獨特口感的魚子，味道新奇，配搭顯趣味。