影片
更多
2018-10-21
2743 瀏覽
又到食大閘蟹嘅季節喇！今年有好多地方都未有大閘蟹送到，揾咗好幾間先揾到Holiday Inn嘅中菜廳有得食。我哋預早訂定個大閘蟹套餐，都幾豐富架。先黎個蟹肉雞蓉燕窩羹，蟹肉都算多，亦食到蟹嘅鮮味，加埋燕窩嘅口感，都唔錯呀。跟住就一人一隻蟹粉小籠包，我隻小籠包上枱時已經穿咗個窿喇😩d蟹油流晒出黎，咬落去已經無乜湯，再加上唔係好食到有蟹粉，只係一隻普通嘅少籠包，好失望呀。主角大閘蟹送到！滿心期待咁打開個蟹蓋，嘩，我最愛嘅蟹膏呀！先試一啖蟹膏，好鮮味呀！再加少少醋，帶出鮮甜嘅味道，又更有層次。食完蟹膏再拆蟹肉黎食，慢慢細味隻蟹，好鮮，好甜呀！蟹腳都係飽滿架！花雕蛋白蒸蝦球都唔錯，蝦球有淡淡嘅花雕嘅香氣，唔會太過搶，蛋白亦蒸到好滑，清清地都唔錯喎。下一道蟹皇醬吉列龍躉塊就無咁出色喇。蟹皇醬的確好香，好味，不過配上吉列嘅食物就將蟹皇嘅香氣同味道蓋過咗喇。我自己就一湯匙蟹皇配少少醋黎食，好味得多呀！至於香檳汁海皇蟹粉焗飯都不錯，有蝦肉同蟹粉配焗飯，都幾香。最後就到甜品喇，黑糖薑茶湯圓。薑嘅辣味好勁，飲一啖都已經好辣，而我兩粒湯圓其中一粒有少少生，實在係可惜，未能為大閘蟹餐畫上一個完美嘅句號。
今年有好多地方都未有大閘蟹送到，揾咗好幾間先揾到Holiday Inn嘅中菜廳有得食。
我哋預早訂定個大閘蟹套餐，都幾豐富架。先黎個蟹肉雞蓉燕窩羹，蟹肉都算多，亦食到蟹嘅鮮味，加埋燕窩嘅口感，都唔錯呀。
跟住就一人一隻蟹粉小籠包，我隻小籠包上枱時已經穿咗個窿喇😩d蟹油流晒出黎，咬落去已經無乜湯，再加上唔係好食到有蟹粉，只係一隻普通嘅少籠包，好失望呀。
主角大閘蟹送到！滿心期待咁打開個蟹蓋，嘩，我最愛嘅蟹膏呀！先試一啖蟹膏，好鮮味呀！再加少少醋，帶出鮮甜嘅味道，又更有層次。食完蟹膏再拆蟹肉黎食，慢慢細味隻蟹，好鮮，好甜呀！蟹腳都係飽滿架！
花雕蛋白蒸蝦球都唔錯，蝦球有淡淡嘅花雕嘅香氣，唔會太過搶，蛋白亦蒸到好滑，清清地都唔錯喎。
下一道蟹皇醬吉列龍躉塊就無咁出色喇。蟹皇醬的確好香，好味，不過配上吉列嘅食物就將蟹皇嘅香氣同味道蓋過咗喇。我自己就一湯匙蟹皇配少少醋黎食，好味得多呀！
至於香檳汁海皇蟹粉焗飯都不錯，有蝦肉同蟹粉配焗飯，都幾香。
最後就到甜品喇，黑糖薑茶湯圓。薑嘅辣味好勁，飲一啖都已經好辣，而我兩粒湯圓其中一粒有少少生，實在係可惜，未能為大閘蟹餐畫上一個完美嘅句號。
張貼
