亮記海鮮飯店

營業中

休息中

剛搬入黎西灣河無耐...咪諗住同d朋友食"入伙餐"同聚下舊...都唔知食乜好...咁就入左去熟食中心...係熟食中心地下，好方便...唔少人街坊係到食，應該唔錯。最難得竟然是有一個後生仔係到做野，難得...我地叫:椒鹽鮮魷,紅燒頂鴿,黑椒牛仔骨,清湯牛腩,金銀蛋浸菠菜,菜遠田雞,乾炒牛河,蝦膏肉松炒飯椒鹽鮮魷好食，好脆...唔同我出面食...出面好多都又硬又唔脆！呢到就唔同...好味...紅燒頂鴿...開頭覺得好貴...要35蚊...點知原來係大隻果d鴿，有肉食...黑椒牛仔骨好野味金銀蛋浸菠菜，比我想像中大碟左...菜遠田雞好耐至上...去問點解...原來係新鮮！即刻"擋"...食田雞同等得既人可以試下...夠新鮮！清湯牛腩...好重胡椒味...熱"辣辣"，有個爐比你，好似打邊爐咁...乾炒牛河唔太油，都夠鑊氣...蝦醬肉松炒飯，好夠蝦醬味，但我就覺得炒得唔夠乾身...如果怕污糟,想要環境靚...我諗到到大排檔都唔岩各位...但係好食都唔洗太重視環境...我會再黎過食,,,但呢到都ok凍...冷氣勁左d...有玻璃樽可樂呀,,,超懷舊呀...都係6蚊大支，好抵飲！原來都有d特價送..