麻辣媽媽 (已搬遷) 新店位置

諗都唔使諗, 先黎個麻辣田雞煲...原本坐係冷氣風口位有d凍, 個田雞煲有個火heat住...食舊田雞熱辣辣...仲有底下個d青瓜同薯仔...好入味...好好味...食到半路開始流汗...之後到薑蔥蠔煲...for唔食得辣既屋企人...但呢個蠔煲真係冇得彈...本身我都唔食海鮮, 甚至唔鐘意食蠔...但waiter哥哥拎到埋檯, 個陣香味...我忍唔住要試一隻...佢地用既係日本蠔...細細隻...咬左一啖...個陣鮮甜係冇得頂架..由於無辣不歡既關係, 加左少少麻辣汁一齊食...waaaaa....仲好食!!!!之後仲叫左四季豆, 椒鹽豆腐, 青檸樹, 炸饅頭, 南爪餅...但呢兩個主菜真係值得推介!!!!