東湖小廚聯威餐廳

營業中

休息中

呢間茶餐廳，我哋由細幫襯到大。裏面嘅職員，我哋都見慣見熟( ´▽` )ﾉ不過，我哋平時多數幫襯嘅係夜晚堂食或者係外賣，我就好少會幫襯佢哋嘅早餐。試咗好幾日其他舖頭嘅沙嗲牛肉公仔麵，今日我就專登試吓平時成日幫襯嘅茶餐廳，睇吓佢哋嘅沙嗲牛肉公仔麵質素係點。同平時啲茶餐廳差唔多，佢哋將啲牛肉乸到霉晒，冇乜咬口，完全唔係牛肉應有嘅質感。沙嗲越食越冇沙嗲味，得個咸字，啲麵質就OK嘅，唔係好淋。不過我最欣賞就係佢哋個方包，因為我以為會係啲隔夜嘅麵包，點知原來好新鮮好鬆軟，而且佢哋將塊方包係搽到滿滿嘅牛油，好似自己喺屋企食方包咁。讚٩(˃̶͈̀௰˂̶͈́)و總括來講，佢哋嘅早餐質素唔係特別好，不過好在就有九折嘅外賣優惠！我都係留番啲quota，食佢哋嘅夜晚嘅炒粉麵飯。