影片
更多
2020-12-04
3465 瀏覽
一講開拿破崙（明明係一個人名。明明係史學大題。英雄造時勢定時勢造英雄？）我就一定會問人有冇食過MIMOSA, 因為我覺得MIMOSA做到一個「指標」—— 好味嘅拿破崙至少應該有mimosa嘅水準。話說最開初我係食奇X同港式茶餐廳嗰種有合桃同奶油嘅「拿破崙」，曾經覺得好好食。後來無意中聽到mimosa, 又無意中發現自己經過，再無意中去到買到珍貴嘅每日限量拿破崙，我嘅人生——至少响pastry方面—— 從此不一樣。當然咁多年嚟，Mimosa拿破崙係有所變化，而酥皮呢啲手工嘢，同天時氣候原材料手工心情等等永遠有千絲萬縷嘅關係。但响我過往十年間近三十次光顧次數，佢做嘅拿破崙都保持到「初心」：酥皮厚薄適中，均稱，吉士挺身唔易溶，微酸少甜，生果唔出水但又唔會乾，試過雪兩日兩夜都保持餅身鬆脆，士多啤梨嘅香甜竟然幾乎比芒果出色（本身非草莓迷）。每次出mimosa拿破崙呢招冧親朋都無往不利。當然，我似乎更喜歡（或者懷念）當年吉士以較少份量但完全平均分佈並且完美粘合三塊酥皮（而且絕不移位，包括運送同叉落去），用叉食到最後一口佢都唔「冧」保持到形態嘅MAGIC。今日食嘅拿破崙美味依然，只係感覺多咗份「人間
我就一定會問人有冇食過MIMOSA, 因為我覺得MIMOSA做到一個「指標」—— 好味嘅拿破崙至少應該有mimosa嘅水準。
話說最開初我係食奇X同港式茶餐廳嗰種有合桃同奶油嘅「拿破崙」，曾經覺得好好食。後來無意中聽到mimosa, 又無意中發現自己經過，再無意中去到買到珍貴嘅每日限量拿破崙，我嘅人生——至少响pastry方面—— 從此不一樣。
當然咁多年嚟，Mimosa拿破崙係有所變化，而酥皮呢啲手工嘢，同天時氣候原材料手工心情等等永遠有千絲萬縷嘅關係。但响我過往十年間近三十次光顧次數，佢做嘅拿破崙都保持到「初心」：酥皮厚薄適中，均稱，吉士挺身唔易溶，微酸少甜，生果唔出水但又唔會乾，試過雪兩日兩夜都保持餅身鬆脆，士多啤梨嘅香甜竟然幾乎比芒果出色（本身非草莓迷）。每次出mimosa拿破崙呢招冧親朋都無往不利。
當然，我似乎更喜歡（或者懷念）當年吉士以較少份量但完全平均分佈並且完美粘合三塊酥皮（而且絕不移位，包括運送同叉落去），用叉食到最後一口佢都唔「冧」保持到形態嘅MAGIC。今日食嘅拿破崙美味依然，只係感覺多咗份「人間煙火」同「玩世不恭」。
或者係我縱橫餅場十年後，千帆過盡，心境變老，脷胎亦一齊變舊，少咗當年嗰一分孺慕同清明。
雖然由聽到mimosa大名一刻至今，傳聞永遠離唔開佢同佢啲餅一樣出名嘅「西面兇靈」。亦都曾經帶住獵奇心態摸上門。但係未知係因為命中八字相合，定係「冇期望就冇失望」（買佢件餅啫，一買一賣，冇話邊個受邊個氣），咁耐以嚟遇到唔同店員，基本上一律心平氣和，溫和有禮，有求必應，有時好服務到令人受寵若驚........
天外有天，日後，或者會食到更多做得比mimosa好味嘅拿破崙，但呢間店根基深厚，做餅心無罣礙，始終都係最「攞得出手」嘅店家之一。
朱古力拿破崙、芒果拿破崙
$40
105 瀏覽
0 讚好
0 留言
全部都係拿破崙！
90 瀏覽
1 讚好
0 留言
Orange Almond
87 瀏覽
2 讚好
0 留言
張貼
