影片
更多
2019-07-22
2764 瀏覽
同屋企人嚟過「意樂餐廳」食晚度架喇，嗰次印象幾好，結論喺佢哋嘅食物多元化，質素唔錯，定價亦算親民，環境有個性，喺值得翻兜嘅餐廳，所以，今早行遠少少嚟食早餐，順便過埋隔離鋪「759」入貨，哈哈！環境就唔多講，因為之前嘅食評都介紹過，走點點工業風。雖然過咗少少食早餐嘅高峰時段，但依然有唔少客，翻枱亦快。講到早餐選擇，4大版紙印晒出嚟，選擇非常多，如即製三文治、地道厚多士、桂格燕麥片、意大利蕃茄濃湯、美式早餐、松露之選……等等，包基本餐飲，當然可以加錢升級轉其他特飲，整體而言，大部分都喺三十零蚊有交易。意大利蕃茄濃湯通粉 $31老婆就一向喺蕃茄濃湯系列嘅粉絲，落附近嘅「翠河」多數都喺點佢，而呢款通粉可以揀兩款餸，故佢就揀咗煎焗流心蛋及鮮野菌。睇到面面嘅蕃茄蓉，就知個湯嘅茄味有幾濃郁，而且，味道鮮活，真喺幾得；而流心蛋都OK喎，篤開時啲蛋黃流晒出嚟 。鮮野菌沙嗲牛肉扁意粉 $30沙嗲牛肉唔難整，但唔知點點整出嚟無出面嘅整得好食，所以，揀呢道早餐，不過，就通粉轉扁意粉。扁意粉煮得咬口有韌勁，牛肉夠軟腍又好有沙嗲香，此外，佢哋嘅鮮野菌就真喺搵鮮菌嚟炒，唔喺罐頭貨，菌味都香好多。即磨咖啡、好立克我哋
環境就唔多講，因為之前嘅食評都介紹過，走點點工業風。雖然過咗少少食早餐嘅高峰時段，但依然有唔少客，翻枱亦快。
講到早餐選擇，4大版紙印晒出嚟，選擇非常多，如即製三文治、地道厚多士、桂格燕麥片、意大利蕃茄濃湯、美式早餐、松露之選……等等，包基本餐飲，當然可以加錢升級轉其他特飲，整體而言，大部分都喺三十零蚊有交易。
意大利蕃茄濃湯通粉 $31老婆就一向喺蕃茄濃湯系列嘅粉絲，落附近嘅「翠河」多數都喺點佢，而呢款通粉可以揀兩款餸，故佢就揀咗煎焗流心蛋及鮮野菌。睇到面面嘅蕃茄蓉，就知個湯嘅茄味有幾濃郁，而且，味道鮮活，真喺幾得；而流心蛋都OK喎，篤開時啲蛋黃流晒出嚟 。
鮮野菌沙嗲牛肉扁意粉 $30沙嗲牛肉唔難整，但唔知點點整出嚟無出面嘅整得好食，所以，揀呢道早餐，不過，就通粉轉扁意粉。扁意粉煮得咬口有韌勁，牛肉夠軟腍又好有沙嗲香，此外，佢哋嘅鮮野菌就真喺搵鮮菌嚟炒，唔喺罐頭貨，菌味都香好多。
即磨咖啡、好立克我哋就無轉特飲，簡簡單單揀基本嘢，不過，依家唔少餐廳嘅咖啡都用上即磨，枱上嘅標籤都註明佢哋喺用上巴西豆，而杯咖啡嘅味道都真喺唔錯。
雖然只喺食咗兩款早餐，同樣無失望，喺食得出有心製作嘅早餐。依家埋單，仲可以用「支付寶」，阿姐仲問我有無掃個QR Code，可以慳兩蚊雞添！
張貼
