影片
更多
2016-07-08
308 瀏覽
估唔到同朋友係旺角食完飯，行行下仲去埋水果星球。其實呢個水果星球係一間以太空主題嘅果汁店。一入到去就見到好多唔同顏色嘅水果星球可以選擇，而我兩個女性朋友一望到簡直就好似跌入黑洞一樣，進入咗女性忘我購物模式，結果我哋三個為咗滿足自己嘅好奇心就一齊展開呢個星球旅程。店內其實都有個簡易教學，可以輕輕鬆鬆教你買果汁而且過程都好有趣得意，只要拎火箭去到控制台揀選3個水果星球(自選3款口味自由配搭)，交俾店員就有新鮮果汁啦，而每杯$28起。店內有超過26種水果，包括梨、奇異果、西瓜及較少見的西蘭花、紅菜頭等。火箭開動去水果控制台啦。每個水果星球都會有自己獨特嘅簡介，真係好有心思。最後終於集齊咗梨、奇異果、籃莓星球，可以飛去總部整果汁。除咗新鮮榨成嘅果汁，店主仲好有心機印出營養標籤卡，列明果汁卡路里、纖維、維他命等營養價值，更有星星符號代表含有該營養，愈多星星，營養愈多。而果汁味道清新，有好重水果味道，係呢個炎炎夏日消暑真係一流，而且亦飲得出水果都幾新鮮。整體呢間小間係每一個環節都快咗好多心思，特別鍾意佢可以任選唔同水果去做果汁，而且當中亦有好多市面少飲得到嘅食材可以選擇(西蘭花、紅菜頭等)，鍾意新
店內其實都有個簡易教學，可以輕輕鬆鬆教你買果汁而且過程都好有趣得意，只要拎火箭去到控制台揀選3個水果星球(自選3款口味自由配搭)，交俾店員就有新鮮果汁啦，而每杯$28起。
店內有超過26種水果，包括梨、奇異果、西瓜及較少見的西蘭花、紅菜頭等。
火箭開動去水果控制台啦。
每個水果星球都會有自己獨特嘅簡介，真係好有心思。
最後終於集齊咗梨、奇異果、籃莓星球，可以飛去總部整果汁。
除咗新鮮榨成嘅果汁，店主仲好有心機印出營養標籤卡，列明果汁卡路里、纖維、維他命等營養價值，更有星星符號代表含有該營養，愈多星星，營養愈多。而果汁味道清新，有好重水果味道，係呢個炎炎夏日消暑真係一流，而且亦飲得出水果都幾新鮮。整體呢間小間係每一個環節都快咗好多心思，特別鍾意佢可以任選唔同水果去做果汁，而且當中亦有好多市面少飲得到嘅食材可以選擇(西蘭花、紅菜頭等)，鍾意新嘢嘅朋友一定要試。
張貼
