中環茶記 (已結業)

中環區食嘢不嬲都貴，最近比我揾到間價廉物美嘅港式茶餐廳，餸菜大件抵食又多元化，可以放工近近地去食，好快已經成為左我新嘅飯堂。餐廳的裝潢是彷制七，八十年代的格局。共有兩層，位置寬敞。餐牌上種類非常豐富，還有各色各樣的特飲選擇，一星期黎幾晚都唔怕厭。今次我地點了家常小菜作晚餐。沙爹肥牛粉絲煲是不少人到大排檔必點菜式，依到一樣整得有水準，送飯真係一流，非常滋味。豉汁蒸倉魚，豆豉嘅香氣使人增加食慾，加上d魚好滑，而且一d都唔腥，真係連骨都俾我哋啜埋。最後就係蒜蓉炒白菜。白菜仔好翠綠又爽口。唔會落太多油去炒，感覺營養健康D~