GREEN

呢餐生日飯食左好耐啦, 一直未有時間寫食評.近排同女友去左呢度食完 lunch, 即刻搵返上次生日飯 d 相出黎分享~呢度環境都幾舒服, 好適合三五知己夜晚黎飲野傾計. 一早訂定位同老友聚一聚~我地每人叫左杯餐酒~海鮮拼盤好鮮甜, 特別係蟹腳, 翡翠螺都唔錯~ 不過生蠔就一般..... 熱辣辣既包好脆, 牛油又香又滑, 我地搽牛油食好快食哂~ 頭盤選擇左蟹肉沙律, 蟹肉鮮甜, 個汁酸酸地, 好開胃~主菜就叫左羊架 & 野菌意大利飯, 羊架嫩滑~ 意大利飯有點咬口, 我幾鍾意~最後叫左兩個甜品, 係朱古力流心蛋糕 (個名唔記得) & 蘋果金寶. 味道一般~ 以價錢黎講, 應該上層的自助餐 (the market??) 較抵食~呢度勝在氣氛好, 幾個朋友慢慢坐住, 飲下野, 傾下計, 食下野, 咁又過左個好 relax 既夜晚~