影片
更多
2012-10-23
162 瀏覽
久唔久都有食依間大家樂，之前都寫過兩篇食評，都喺有啲原因先寫，無乜特別或平平無奇嘅話會食完就算。如果唔喺為咗寫番輯「我的美孚下午茶餐」系列，今餐食嘢應該未必會寫。諗番吓，其實今回食評有樣嘢都幾有意思值得「喺咁咦」記一記，就喺「公司三文治」。細細個時，跟老豆去茶水檔飲下午茶，不外乎奶醬多加熱華田，又或油占多配熱「呵力」，無乜花臣嘢。有次晌快餐店見人食公司三文治覺得好有型、好勁，大大份又多餡。後尾，到大個啲有機會就輪到咗自己都可以試吓，又等隔離枱個細路羨慕吓囉，哈哈！公司三文治茶餐 $23雖然喺童年回憶，但今趟喺老婆想點嚟食，當然小弟都有份食嘅。一份公司治連嘢飲，佢要咗熱檸水，都喺賣$23，算幾抵。所夾嘅餡料包括火腿、雞蛋、煙肉、生菜、蕃茄，算喺咁，不過啲麵包好似無乜點烘過，做得有啲「求其」。「伴碟」仲有啲薯片，依樣佢又俾得幾多喎，雖然唔知咩品牌，唔過鹹都收貨喇。細碗叉燒飯 $22雖然叫「細碗」，但都已經喺平時家用飯碗嘅一整碗啦，加上叉燒鋪滿碗面，俾得唔少，跟埋杯餐飲，只賣$22，仲想點吖！叉燒做得都唔錯，多瘦少肥，食落唔嚡，又俾咗唔少燶邊位過我，叉燒真喺平民美食。飯粒軟綿有飯味，喺最怕啲
諗番吓，其實今回食評有樣嘢都幾有意思值得「喺咁咦」記一記，就喺「公司三文治」。細細個時，跟老豆去茶水檔飲下午茶，不外乎奶醬多加熱華田，又或油占多配熱「呵力」，無乜花臣嘢。有次晌快餐店見人食公司三文治覺得好有型、好勁，大大份又多餡。後尾，到大個啲有機會就輪到咗自己都可以試吓，又等隔離枱個細路羨慕吓囉，哈哈！
公司三文治茶餐 $23
雖然喺童年回憶，但今趟喺老婆想點嚟食，當然小弟都有份食嘅。一份公司治連嘢飲，佢要咗熱檸水，都喺賣$23，算幾抵。所夾嘅餡料包括火腿、雞蛋、煙肉、生菜、蕃茄，算喺咁，不過啲麵包好似無乜點烘過，做得有啲「求其」。「伴碟」仲有啲薯片，依樣佢又俾得幾多喎，雖然唔知咩品牌，唔過鹹都收貨喇。
細碗叉燒飯 $22雖然叫「細碗」，但都已經喺平時家用飯碗嘅一整碗啦，加上叉燒鋪滿碗面，俾得唔少，跟埋杯餐飲，只賣$22，仲想點吖！叉燒做得都唔錯，多瘦少肥，食落唔嚡，又俾咗唔少燶邊位過我，叉燒真喺平民美食。飯粒軟綿有飯味，喺最怕啲飯明知煲爛仲俾客食啫。加埋杯即磨咖啡，不俗，平平哋又搞掂一餐。
張貼
