香港寧波同鄉會

營業中

休息中

Item: 香港寧波同鄉會
Rating: 5
Author: C U Later

Ning Po

196 食評

味道

環境

服務

衛生

抵食

8215

中環

$201-400

滬菜 (上海) 中式包點中菜館

149

C U Later

等級4

121

我家唔係上海人，不過全部家人都超喜歡上海美食。差不多有名嘅老牌或新普上海菜館我哋都有幫趁，不過始終都鐘愛舊式老店，寧波喺其中一間我們家庭聚會常選擇嘅地方。無他因為位置方便於中環蘭桂芳下面，也因為出品一直保持水準每次都能食到熟悉嘅味道。幾年前店曾經翻新過，但佢地無乘機改變餐廳形象和更換菜式，只係讓客人有更舒適環境用餐。其實多年菜式嘅款式、味道和服務多年嘅店員已經係店嘅靈魂，每次光顧都有回家嘅感覺。冷盤: 燻蛋、燻魚、雞絲粉皮、臭豆腐燻蛋和燻魚味道掌握得恰到好處，無過多煙燻味。雞絲粉皮嘅麻醬好濃好滑充滿芝麻香味，有D似北京涮羊肉嗰碗麻醬咁杰呀。臭豆腐好少菜館有得食咖，連埋橙色嘅豆板醬和紅色嘅甜醬一咪咬落去，嗰種複雜難以形呀，其實炸嘅臭味比起黑蚊蚊蒸嘅臭豆腐小兒科得多，尤記得有次隔離枱叫咗一碟黑色嘅蒸臭豆腐未拎到出嚟都聞到！熱盤: 咸蛋黃蝦、千層肉、雪菜毛豆百頁、鴛鴦沙鎚魚、蜜汁火腿咸蛋黃蝦係每次必叫，其他酒家都有造呢個菜但總係覺得寧波好D, 因為個咸蛋黃醬特別多，遠睇有D似杧果沙冰，呈沙狀最鐘意將D咸蛋黃醬揸滿槐家常餅嚟食，膽固醇?? 喺有少少過份不過為咗口福唔怕得咁多喇

我家唔係上海人，不過全部家人都超喜歡上海美食。差不多有名嘅老牌或新普上海菜館我哋都有幫趁，不過始終都鐘愛舊式老店，寧波喺其中一間我們家庭聚會常選擇嘅地方。無他因為位置方便於中環蘭桂芳下面，也因為出品一直保持水準每次都能食到熟悉嘅味道。幾年前店曾經翻新過，但佢地無乘機改變餐廳形象和更換菜式，只係讓客人有更舒適環境用餐。其實多年菜式嘅款式、味道和服務多年嘅店員已經係店嘅靈魂，每次光顧都有回家嘅感覺。

冷盤: 燻蛋、燻魚、雞絲粉皮、臭豆腐
燻蛋和燻魚味道掌握得恰到好處，無過多煙燻味。雞絲粉皮嘅麻醬好濃好滑充滿芝麻香味，有D似北京涮羊肉嗰碗麻醬咁杰呀。臭豆腐好少菜館有得食咖，連埋橙色嘅豆板醬和紅色嘅甜醬一咪咬落去，嗰種複雜難以形呀，其實炸嘅臭味比起黑蚊蚊蒸嘅臭豆腐小兒科得多，尤記得有次隔離枱叫咗一碟黑色嘅蒸臭豆腐未拎到出嚟都聞到！

熱盤: 咸蛋黃蝦、千層肉、雪菜毛豆百頁、鴛鴦沙鎚魚、蜜汁火腿
咸蛋黃蝦係每次必叫，其他酒家都有造呢個菜但總係覺得寧波好D, 因為個咸蛋黃醬特別多，遠睇有D似杧果沙冰，呈沙狀最鐘意將D咸蛋黃醬揸滿槐家常餅嚟食，膽固醇?? 喺有少少過份不過為咗口福唔怕得咁多喇。千層肉喺要預早訂咖，一大盤嚟到大家都滿心歡喜，一大舊長長方方嘅豬腩肉切得非常薄，一片片整齊排列每次都夾一"住"(好幾片薄肉)放落蝴蝶包內食好似三文治咁，記得要落埋墊底索晒汁嘅百頁，非常入味。腩肉經過長時期燉煮，一D都唔油膩。槐蝴蝶包成隻手掌咁大，可以夾蜜汁火腿添。火腿嘅咸同油都去晒，淨返咸香同蜜糖甜味，甘笋夠淋同蓮子老好鬆化。雪菜毛豆百頁喺傳統上海菜式之一，百頁索晒D湯汁好入味。鴛鴦沙鎚魚只有喺寧波至搵到，呢個喺手工菜，沙鎚魚一般都係原條炸同椒鹽，寧波就將兩邊嘅魚柳起出，作油泡和吉列。可想而知要用幾多條魚至起到一碟餸呢?! 魚柳嫩滑無骨。