影片
更多
2018-07-23
794 瀏覽
去開將軍澳做野，唔知食咩好，打俾地膽問下，佢知我鍾意食馬來西亞野，就介紹左我嚟東港城既Mee. Lemongrass! 唔講唔知呢間馬來西亞喇沙。海南雞餐廳已經開左咁多個地方，基本上佢既分店我都食過，去得最多應該係青衣分店，估唔到佢開到嚟將軍澳！店内環境同其他分店一樣都充滿馬拉色彩，簡潔，乾淨，環境也寬敞！餐廳同其他分店一樣提供大量既馬拉菜式，招牌有海南雞，喇沙，肉骨茶等，唔講唔知下午茶咁抵食，喇沙既下午茶餐都係$58, 平過平時好多！既然喇沙咁抵食，點都要整返個tea set食下，估唔到價錢平左，份量仍然十足，抵食！海鮮食材鋪滿喇沙既湯面，有彈牙魚蛋，雞蛋，鮮甜既蜆肉同大蝦，蟹柳，仲有可以索湯汁既豆卜！喜歡Mee既原因係佢保持左馬來西亞傳統既風味，麵底都係用上類似馬來西亞'參參' 的做法，即油麵加上米粉，而湯底除左有陣陣蝦味外，以偏辣既咖哩味為主，非常惹味！嚟到Mee點除左食喇沙，另一重點就梗係佢既芒果椰汁糯米飯，賣相精緻，香甜芒果加上煙韌糯米，一啖一口，嫌唔夠椰香，可自己加多d椰漿！飲品我就叫左個特色既泰珠奶茶冰，用上東南亞口味既支裝奶茶，再配上煙韌有咬口既珍珠喺入面，味道唔太甜
唔講唔知呢間馬來西亞喇沙。海南雞餐廳已經開左咁多個地方，基本上佢既分店我都食過，去得最多應該係青衣分店，估唔到佢開到嚟將軍澳！
店内環境同其他分店一樣都充滿馬拉色彩，簡潔，乾淨，環境也寬敞！
餐廳同其他分店一樣提供大量既馬拉菜式，招牌有海南雞，喇沙，肉骨茶等，唔講唔知下午茶咁抵食，喇沙既下午茶餐都係$58, 平過平時好多！
既然喇沙咁抵食，點都要整返個tea set食下，估唔到價錢平左，份量仍然十足，抵食！海鮮食材鋪滿喇沙既湯面，有彈牙魚蛋，雞蛋，鮮甜既蜆肉同大蝦，蟹柳，仲有可以索湯汁既豆卜！
喜歡Mee既原因係佢保持左馬來西亞傳統既風味，麵底都係用上類似馬來西亞'參參' 的做法，即油麵加上米粉，而湯底除左有陣陣蝦味外，以偏辣既咖哩味為主，非常惹味！
嚟到Mee點除左食喇沙，另一重點就梗係佢既芒果椰汁糯米飯，賣相精緻，香甜芒果加上煙韌糯米，一啖一口，嫌唔夠椰香，可自己加多d椰漿！
飲品我就叫左個特色既泰珠奶茶冰，用上東南亞口味既支裝奶茶，再配上煙韌有咬口既珍珠喺入面，味道唔太甜，茶味啱啱好，唔錯！
呢餐簡簡單單3樣野，埋單100 多d蚊，下次都係趁下午茶嚟食返夠本！
張貼
