鴻星中菜 (已結業)

端午正日本來想訓到安樂醒，點知世上只有的媽媽好1100就叫我飲茶。飲茶本來係天倫樂，但中午就食蟹又真係幾救命。一行8人大小一律蟹餐。除黃油蟹外，跟燕窩石頭魚湯，蟹粥，鮑魚孫（仲細過仔）炆鵝掌，桂花蚌。甜品係杏汁蛋白露。頭盤沙薑雞腳等齊人時另外叫的。蟹仲係未當做，都係要等多個星期；如果呢個星期夠晒夠熱的話。石頭魚湯下得好小薑，全靠果皮同雲耳去腥。魚無被薑的辣味沖亂，反而果皮仲帶出鮮甜。沙薑雞腳一貫水準，點整都唔及西貢全記。桂花蚌時已開始飽，食唔到味，甜品杏汁蛋白露連我唔食杏汁的都一飲而盡。鮑魚炆鵝掌雖然好食，但之前的雞腳已經令我無牙力唔想食。