Häagen-Dazs (已搬遷) 新店位置

近年在xtc開始每況愈下的個人觀感後，看來不經不覺已過檔了haagendazs整整一年。其雪糕蛋糕就食得多，但雪糕月餅今趟還是第一次，謝謝朋友的餽贈。Vanillax2units內餡的雲呢拿雪糕似乎讓外層的白朱古力脆皮奪去了味道，因為白巧克力奶的香味很濃，濃得令我覺得很奶粉feel很人工。所以你問我雪糕甜嗎？我覺得仲頂得住，可能近來少食甜，所以連平日對白朱古力冇咩好感的我都一併連雪糕消滅。strawberryx2units我覺得這款比雲呢拿那款好味，至少雲呢拿那款的內餡雪糕沒雲呢拿籽，但這款strawberry內餡都還有粒strawberry充撐一下，而且個純古力外皮未溶得晒時味道普通，只諗起賀年元寶朱古力，到朱古力外皮溶晒落個內餡時就頗襯個雪糕內餡。食後感：味道的確普通，若然唔係朋友送贈我諗我未必會買，因為我覺得超巿買此品牌價值$79.xx的一盒四款不同味的雪糕批還好味過個月餅哩！XD那麼我都係跟足包裝所指示的食用方法，不過溶解時間一定要睇得很準，嗯…第一刀早切就整裂個外層，直到第二刀就因把刀整得太熱整到個外皮溶到變了水滴了落個餅面度囉！-_-