老三油渣麵王

營業中

休息中

有一日，老公叫我去同佢食豬油渣麵，我諗都唔諗就話唔食，最怕肥膩野，諗起都覺得好油，佢係咁話唔會，講咗好耐，我見佢誠意拳拳咁就同佢去食一次咁大把滿足一下佢啦！嗌左個招牌豬油渣麵，豬油渣另上，嗌多份韭菜豬紅蘿蔔抱住應該都唔係咁好食嘅心態去食一啖油渣，嘩！好香脆好好味呀！完全冇油益味，老闆娘話佢哋嘅豬油渣係每日新鮮做，唔會用隔夜油，唔怪之得冇怪味啦！個面好似烏冬咁大條，不過好好食，好夠飽，蘿蔔非常入味，韭菜豬紅蘿蔔都好食，等我下次再試吓佢其他小食先！