影片
更多
2019-07-03
169 瀏覽
細細個每次要考試好先有得食和民，宜家出黎做野想食就食，食既唔單止係味道，亦係回憶☺️和民可以係日菜界乞立不倒咁耐，靠既係佢出品質素好，價錢亦大眾化😉今日一行兩人叫左個牛肉壽喜燒$119 ,再追加烏冬$39。呢個牛鍋相當震撼，滿滿既肥牛，排到整整齊齊兩層，舖滿晒令你見唔到湯同埋菜添。雖然佢既牛唔係和牛或者咩頂級牛，但質素都唔差，亦有牛味，對得起價錢有餘。食壽喜燒湯，一定要加個烏冬索埋啲湯汁食，飽肚得黎又唔會浪費。佢既烏冬雖然價錢唔平，但係都頗煙韌👍🏾芝士炸雞$39大推佢既炸雞，佢係用脾肉去炸，外皮脆卜卜，咬開juicy 到一個點，肉仲好粉嫩，加埋芝士醬真係完勝🥰豪華串燒盛合$99乜都有齊，除左豬😋由左至右，雞翼、雞腿、雞胸、免治雞肉、冬菇、牛柳同青蔥牛肉串，一共7串，串串都燒得恰到好處。個人較喜愛啖啖肉既雞腿、免治雞肉同牛柳，又嫩又多汁。佢既雞肉仲係選用日本產雞，食落有嚼口但唔會韌👍🏾
和民可以係日菜界乞立不倒咁耐，靠既係佢出品質素好，價錢亦大眾化😉
今日一行兩人叫左個牛肉壽喜燒$119 ,再追加烏冬$39。
呢個牛鍋相當震撼，滿滿既肥牛，排到整整齊齊兩層，舖滿晒令你見唔到湯同埋菜添。
雖然佢既牛唔係和牛或者咩頂級牛，但質素都唔差，亦有牛味，對得起價錢有餘。
食壽喜燒湯，一定要加個烏冬索埋啲湯汁食，飽肚得黎又唔會浪費。佢既烏冬雖然價錢唔平，但係都頗煙韌👍🏾
芝士炸雞$39
大推佢既炸雞，佢係用脾肉去炸，外皮脆卜卜，咬開juicy 到一個點，肉仲好粉嫩，加埋芝士醬真係完勝🥰
豪華串燒盛合$99
乜都有齊，除左豬😋由左至右，雞翼、雞腿、雞胸、免治雞肉、冬菇、牛柳同青蔥牛肉串，一共7串，串串都燒得恰到好處。個人較喜愛啖啖肉既雞腿、免治雞肉同牛柳，又嫩又多汁。佢既雞肉仲係選用日本產雞，食落有嚼口但唔會韌👍🏾
張貼
