影片
更多
2015-05-13
1011 瀏覽
原本想係大代食野，點知九點九已經收晒檔無野食，陰功豬。無緊要樓下大把野食，行過蛇王二有燉湯飲喎，最愛燉湯，即刻衝入去試試先！lucky lucky，剛好有張圓形細枱唔洗等位，枱櫈都放到密麻麻坐得唔多舒服。嘩！一個土炮香港友都無？個個都大陸咀臉，強國味濃厚既飯店！坐低發現後面有對香港情侶，都好啲，原來仲有地球人。今晚唔食蛇喇，我想飲燉湯，食燒味飯，有機會先試啦。睇睇完個 menu，點解得雞脾鴨脾呢？唔要內臟呀！我要食雞髀、雞髀、雞髀呀！蛇王二既銷售方法係推燉湯先，跟住燉湯加燒味飯幾錢，加蛇羹幾錢，good idea。唔同一般食肆先推飯、炒粉麵、小菜，之後先問加唔加湯。$72 蚊有燉湯有燒飯，價錢都好公道。切雞髀叉燒飯、乾瑤柱雜錦冬瓜盅，香噴噴喎！唔知味道如何，操完泰拳好肚餓呀！乾瑤柱雜錦冬瓜盅，賣相就唔錯，但掙啲火喉喎！有點似滾湯味，普通煲湯，味道好清，我記得係酒樓飲係勁濃勁鮮甜架。見啖湯唔係好燙咀又無咩煙咪一啖咬落舊冬瓜度囉！中伏勁熱，搞到起口腔水泡又甩皮，頂！乾瑤柱冬菇粒足料香甜，瘦肉就過乾鞋硬喇。整體都好飲既，只係無驚喜。切雞髀叉燒飯，主菜黎喇，真係擺得好靚好齊整，顏色有光澤又鮮明
原本想係大代食野，點知九點九已經收晒檔無野食，陰功豬。無緊要樓下大把野食，行過蛇王二有燉湯飲喎，最愛燉湯，即刻衝入去試試先！
lucky lucky，剛好有張圓形細枱唔洗等位，枱櫈都放到密麻麻坐得唔多舒服。嘩！一個土炮香港友都無？個個都大陸咀臉，強國味濃厚既飯店！坐低發現後面有對香港情侶，都好啲，原來仲有地球人。今晚唔食蛇喇，我想飲燉湯，食燒味飯，有機會先試啦。
睇睇完個 menu，點解得雞脾鴨脾呢？唔要內臟呀！我要食雞髀、雞髀、雞髀呀！蛇王二既銷售方法係推燉湯先，跟住燉湯加燒味飯幾錢，加蛇羹幾錢，good idea。唔同一般食肆先推飯、炒粉麵、小菜，之後先問加唔加湯。$72 蚊有燉湯有燒飯，價錢都好公道。
切雞髀叉燒飯、乾瑤柱雜錦冬瓜盅，香噴噴喎！唔知味道如何，操完泰拳好肚餓呀！
乾瑤柱雜錦冬瓜盅，賣相就唔錯，但掙啲火喉喎！有點似滾湯味，普通煲湯，味道好清，我記得係酒樓飲係勁濃勁鮮甜架。見啖湯唔係好燙咀又無咩煙咪一啖咬落舊冬瓜度囉！中伏勁熱，搞到起口腔水泡又甩皮，頂！乾瑤柱冬菇粒足料香甜，瘦肉就過乾鞋硬喇。整體都好飲既，只係無驚喜。
切雞髀叉燒飯，主菜黎喇，真係擺得好靚好齊整，顏色有光澤又鮮明，仲聞到濃郁肉香，good good good！不過即刻隊晒啲菜芯入口先，好耐無食過菜喇。雖然凍，但係十分爽甜，無渣，好食。
自從幾年前食過灣仔再興既蔥油，依家食親燒味飯一定要撈個飯食先心熄。剛才見到咁靚既燒味即刻試啖，一試嚇親，乾柴叉燒 no good，又瘦又硬，失望。切雞髀就非常嫩滑，味道清爽，肉彈且滑，雞味略淡，都滿意既！
最可怕既出場，軟飯依家野唔啱我架！好采啲飯勁爛勁濕又漿住個咀啫，唔洗食咁多，操完食飯會肥架。太難食，肚餓格硬吞幾啖落肚就放棄，我都唔想浪費食物架。
張貼
