利寶閣 (已結業)

作為一名健身教練, 係咁食蝦餃正呀正呀今日放假有閒情日致去飲個靚茶, 落到利寶閣見到有點心放題, what?!估唔到利寶閣會做放題喎, 價錢又唔貴, 一於試下。 入座個陣都無望清楚, 原來每位有個花膠灌湯餃同原隻鮑魚酥, 灌湯餃幾清甜, 鮑魚係真係爽隻鮑魚, 幾特別出面無得食既。咁健康既我首先睇下有咩菜食先, 因為食點心都會幾膩, 梗係要叫個菜解下膩啦。我飲茶必叫既燒賣, 而鵪春蛋燒賣已經越黎越少地方有得食, 依度居然有得任食香口野之選有沙律蝦春卷, 炸蝦餃, 荔蓉蜂巢帶子。炸蝦餃比較特別, 荔蓉蜂巢帶子好酥脆XO醬煎腸粉! 出色! 仲要用熱石鍋上, 賣相靚之餘味道仲好香!暗然銷魂飯, 男人的浪漫。簡單一隻太陽蛋一舊靚cha燒, 足以滿足我味蕾。甜品忌廉芒果卷同埋芝麻卷, 唔太甜岩我口味, 芝麻卷比較少地方有得食, 唔錯! 仲有十勝紅豆雪糕脆麻花, 本身以為紅豆味雪糕, 點知原來係紅豆加雪糕, 不過紅豆大大粒, 都幾好食!總括黎講依個任食點心放題都幾抵食, 除左點心仲有好多其他野食例如甜品咁, 好多款揀, 點心都保持到質素, good