Pancake House HoiHoi (Megabox) (已結業)

我知呢間日本名古屋過江龍pancake店黎左香港好耐架啦，一直都想食，今晚終於的起心肝拉男朋友黎陪我食。我見佢目玉焼き風班戟係新出品，於是叫左呢個再加抹茶忌廉梳乎厘班戟，飲十勝紅豆牛乳同焙茶牛奶。目玉焼き風班戟可以揀梳乎厘或夏威夷班戟，我揀左夏威夷班戟底。班戟個樣好得意，唔食落口真係會以為上面個層係太陽蛋。原來蛋白係Mascarpone忌廉芝士，而蛋黃就係特製吉士。班戟比較乾身，唔係鬆軟個種。抹茶忌廉梳乎厘班戟配有紅豆，班戟鬆軟，抹茶忌廉食得出抹茶味，輕盈幼滑，配埋食幾好。十勝紅豆牛乳係冬日特飲，熱牛奶加上甜甜既紅豆。焙茶牛奶好濃焙茶味。