影片
更多
2012-11-09
214 瀏覽
雖然見有啲評價好似差咗, 但印象中的不倒翁仍然係好好食, 所以入秋後決定再來一試, 結果不負所望.一行六個大人一個細路, 叫到成枱嘢食 , 完全唔覺得啲食材質素有走樣喎. 叫咗個鴛鴦湯底, 沙爹配清湯, 沙爹味夠濃 招牌餃依然好大粒, 好多蝦, 個個食完都話好飽鱔片同脆鯇呢, 我覺得脆鯇好啲, 因為我嫌鱔片多骨, 但兩者都新鮮.我最鍾意, 基本上係因為佢而返嚟呢度食的, 係鵝腸, 好新鮮, 好脆, 唔會有腥味, 又唔會好肥, 絕對好味 第一次叫佢地的豬潤, 好大塊, 好鮮, 但始終唔多敢一熟即食, 要灼到徹底熟晒先敢食.是夜主角始終係牛, 幾次嚟都係叫脊位, 圖中見到的係第二碟, 好稔, 亦有牛香, 但唔會話好"肥香"(即係唔會覺得好"漏")整體來說, 食物質素仍然有水準, 不過, 服務係差過以前啲, 同埋好鬼嘈.結果埋單$1,800, 每人3舊水, 在預算之內, 這個冬天還會再來!
一行六個大人一個細路, 叫到成枱嘢食 , 完全唔覺得啲食材質素有走樣喎.
叫咗個鴛鴦湯底, 沙爹配清湯, 沙爹味夠濃 招牌餃依然好大粒, 好多蝦, 個個食完都話好飽
鱔片同脆鯇呢, 我覺得脆鯇好啲, 因為我嫌鱔片多骨, 但兩者都新鮮.
我最鍾意, 基本上係因為佢而返嚟呢度食的, 係鵝腸, 好新鮮, 好脆, 唔會有腥味, 又唔會好肥, 絕對好味
第一次叫佢地的豬潤, 好大塊, 好鮮, 但始終唔多敢一熟即食, 要灼到徹底熟晒先敢食.
是夜主角始終係牛, 幾次嚟都係叫脊位, 圖中見到的係第二碟, 好稔, 亦有牛香, 但唔會話好"肥香"(即係唔會覺得好"漏")
整體來說, 食物質素仍然有水準, 不過, 服務係差過以前啲, 同埋好鬼嘈.結果埋單$1,800, 每人3舊水, 在預算之內, 這個冬天還會再來!
張貼
