影片
更多
2010-07-04
5 瀏覽
原本同老公返緊娘家食飯，因為好想食火煱，所以兩人決定"私奔"，但係已到油塘要中途轉軚去食火煱又談何容易呢...人急智生醒起將軍澳有間sabusabu，一試無妨啦~ 全店都係行套餐制，自助形式(牛肉及豚﹝豬﹞肉除外)，不設散叫火煱料，今晚我哋揀咗中上價$238的和牛套餐另加咗$10任飲(得三種選擇︰日本啤、百x可樂、雪x)，另外必試可附加既涮牛冷食套餐，因為1st round係免費試食架~(最重要係真係叫 1 round 就已經可以。)我哋落完order，我就去buffe bar搵醬料，都算多& 特別，有普通日式醬、葵花醬油(即係wasabi醬油)、柚子醋醬油、芝麻醬(涮牛唔少得！)。執好D醬料返到位無幾耐個煱底就到(牛清湯+韓式辣泡菜)，和牛&豚肉跟住都到埋，仲等乜吖~起錨啦！ 和牛果然OK喎，好夠新鮮，一D都唔"鞋"口，仲幾有牛脂味添~讚！ 有D意外既係豚肉都非常正！真係上等級數，我唔叫呢D係豬肉，一定要尊稱番為豚肉囉~ 牛清湯望落雖然清，但味道又無話淡"茂茂"，ok。但我鍾意食辣泡菜湯底多D，因為惹味D。 醬料方面，各種都好OK喎，因為真係各有各既味道，一路食都無咁dry吖嘛~ 冷
全店都係行套餐制，自助形式(牛肉及豚﹝豬﹞肉除外)，不設散叫火煱料，今晚我哋揀咗中上價$238的和牛套餐另加咗$10任飲(得三種選擇︰日本啤、百x可樂、雪x)，另外必試可附加既涮牛冷食套餐，因為1st round係免費試食架~(最重要係真係叫 1 round 就已經可以。)
我哋落完order，我就去buffe bar搵醬料，都算多& 特別，有普通日式醬、葵花醬油(即係wasabi醬油)、柚子醋醬油、芝麻醬(涮牛唔少得！)。執好D醬料返到位無幾耐個煱底就到(牛清湯+韓式辣泡菜)，和牛&豚肉跟住都到埋，仲等乜吖~起錨啦！
和牛果然OK喎，好夠新鮮，一D都唔"鞋"口，仲幾有牛脂味添~讚！
有D意外既係豚肉都非常正！真係上等級數，我唔叫呢D係豬肉，一定要尊稱番為豚肉囉~
牛清湯望落雖然清，但味道又無話淡"茂茂"，ok。但我鍾意食辣泡菜湯底多D，因為惹味D。
醬料方面，各種都好OK喎，因為真係各有各既味道，一路食都無咁dry吖嘛~
冷食涮和牛，都特別，主要係唔洗錢，所以must try la~
其他配料，有機蔬菜 - 都有好幾款&新鮮，日本豆腐 - 白滑有豆味，無乜丸頪 - 只得兩款日式炸魚蛋，有芝士腸，鮮冬菇&金菇，芋C、日本豆卜、韓式年糕
竟然有兩款飯供應，白飯 & 五目飯(即係有味飯)
有雪糕做甜品，四款味︰呍呢嗱、芝麻、茉茶、豆腐
個人嚟講都滿意，因為好多時"平"就唔會"靚正"，"靚正"就一定唔會"平"，呢餐未算貴到離譜但都叫"靚正"，加上唔會出埋D陰招(貨不對辨、扮漏單、久等都上唔到和牛豚肉之頪....)，牛迷一定能感滿足，因為真係你食得落食得切就多多都上俾你！
可以再去(建議晚飯時段好D，lunch得60mins.真係太趕)，同埋以我觀察，就算叫最平果款set，雖不是和牛，但質素亦算OK。
不足之處︰時間有限，想他他條條聚餐或食得慢都不宜考慮。肉類太少，牛、豚、芝士腸、魚蛋 that's all，唔食牛既不宜考慮。
附註︰佢仲有燒牛豚肉set，不過今次未試。
張貼