牛扒先生 (東港城) (已結業)

今日同埋屋企人去食飯，成日都諗唔到食咩，就去試下呢間半自助晚餐啦。有兩個Menu選擇，一個係龍蝦做主要，另一個係普通Menu，我地揀左3個Main。鮮生蠔海鮮拼盤海鮮拼盤係龍蝦嘅Menu先包嘅，其實都算新鮮，唯獨係蝦比較單調細隻左啲。法式芝士焗龍蝦配SRF牧場牛扒芝士龍蝦就冇太特別，不過都算大隻，牛扒好有肉味，而且好大份，其本上唔需要點醬汁，不過餐廳都好貼心將醬汁分開上，而唔係直接淋上面。法式芝士焗龍蝦配香煎是日精選魚柳是日精選係三文魚，同樣龍蝦都係冇咩特別，都係一樣，不過三文魚煎得比較乾身啲，口感差小小。另一個海鮮餐就冇龍蝦不過就有隻大蝦加帶子！呢個仲配上左一隻帶子，可能係三文魚比較細份，不過帶子都係用芝士焗都唔錯。迷迭香燒雞．BBQ醬烤豬肋排燒雞最為有驚喜，食落好juicy肉質完全唔乾身，好好食。另外豬肋排都好好食，火喉控制得唔錯，成份好大份，差啲食唔曬。Overall黎講，本身個Menu好食過龍蝦Menu，不過如果中意嘅可以一試。另外Mr.Steak嘅覺助沙律同甜品吧，其實有去食過嘅人都知道，質素唔差，只係選擇唔太多，不過CP值都okay。