影片
更多
2012-09-17
115 瀏覽
今日下午去完清水灣, 回程時原本想去西貢食海鮮, 但只得三個人, 食海鮮好似試唔到好多款式, 所以就向鑽石山出發醫肚。路經新蒲崗, 想起電視節目“飲食男女”介紹過呢間“得龍”, 講到好好味咁, 就即時打電話問下有無位? 可否留枱半小時後到? 竟然真係有位喎! 今日星期日喎?! 去到鑽石山Hollywood Plaza 轉小巴19號, 點知7:30pm 就收咗車, 轉30號又唔知邊度落車, 最終都係打的廿幾蚊去到門口!去到“得龍”即刻有枱比我, 我先叫三樣餸, 如果好味再叫第二round 蝦籽炆柚皮($80)--我會比個 "差" 佢, 上桌時微溫唔夠熱, 一棵烚到黃晒嘅小棠菜開邊+兩塊中等大小嘅柚皮, 芡汁上有蝦籽但完全無蝦籽香味, 而且柚皮有陣腥味, 又有類似生鏽金屬嘅味道, 要落胡椒粉劈腥 (我媽咪煮得好味過佢好多)! 因為唔夠熱嘅關係, 芡汁變水汪汪! 我覺得完全唔掂!!!炸大腸拼燒鱔 ($98)--ok 好味! 份量三個人食都 ok ! 大腸炸得夠脆, 味道不過不失啦! 燒鱔味道幾好, 鱔皮熱嘅時候都係脆嘅, 上面有美極鮮露嘅味道, 不過凍咗d皮就變硬, 呢樣應該唔關店方事,
路經新蒲崗, 想起電視節目“飲食男女”介紹過呢間“得龍”, 講到好好味咁, 就即時打電話問下有無位? 可否留枱半小時後到? 竟然真係有位喎! 今日星期日喎?! 去到鑽石山Hollywood Plaza 轉小巴19號, 點知7:30pm 就收咗車, 轉30號又唔知邊度落車, 最終都係打的廿幾蚊去到門口!
去到“得龍”即刻有枱比我, 我先叫三樣餸, 如果好味再叫第二round
蝦籽炆柚皮($80)--我會比個 "差" 佢, 上桌時微溫唔夠熱, 一棵烚到黃晒嘅小棠菜開邊+兩塊中等大小嘅柚皮, 芡汁上有蝦籽但完全無蝦籽香味, 而且柚皮有陣腥味, 又有類似生鏽金屬嘅味道, 要落胡椒粉劈腥 (我媽咪煮得好味過佢好多)! 因為唔夠熱嘅關係, 芡汁變水汪汪! 我覺得完全唔掂!!!
炸大腸拼燒鱔 ($98)--ok 好味! 份量三個人食都 ok ! 大腸炸得夠脆, 味道不過不失啦! 燒鱔味道幾好, 鱔皮熱嘅時候都係脆嘅, 上面有美極鮮露嘅味道, 不過凍咗d皮就變硬, 呢樣應該唔關店方事, 值得一讚嘅係燒鱔肥美而且完全無骨, 食得放心
龍鳳配鮮蝦龍躉球 ($138)--係是日廚師推介, 用煲仔上, 有三隻甩頭蝦(個蝦頭甩甩地代表蝦唔夠新鮮), 蝦肉霉霉地; 有六片魚肉, 味道一般, 唔覺得鮮美; 配菜有勝瓜、芋絲及炸芋頭, 湯底亦無乜鮮味, 整體味道屬一般貨色!
因為味道唔吸引, 所以唔叫第二round 喇! 亦無乜心機影相!
飯後送上甜品, 係三小碗紅豆沙加三件桂花糕:-
紅豆沙--個人覺得過甜, 完全無果皮味, 只得半小片百合, 唔合格!!!
桂花糕--呢個反而係成晚最正嘅, 雖然都係甜咗些少, 勝在桂花香味濃郁, 有杞籽、紅棗同桂元, 材料十分充足嘅精美點心!
最詭異嘅係枱上一小碟前菜, 係大約5至6粒蕎頭, 完全無酸味, 食入口只覺好甜, 臨吞之前竟然變苦味, 食一粒唔敢再食喇!
不收加一但茶每位$11元, 詭異蕎頭前菜$14元一小碟, 白飯每碗$10元; 最後埋單$383大元, 只覺唔平因為無食飽。
最後想講嘅係佢哋嘅服務, 我一食完放低筷子就即刻有人埋嚟執枱, 問食物齊晒末? 又即時奉上甜品; 一食完甜品又即時收拾妥當, 又問食物齊晒末? 我已心感不妥, 話齊晒啦! 想飲多兩啖茶先走, 點知第三次被問d野食齊晒末? 已經九點幾, 我隔離張圓枱都無人坐啦, 門口又無人等位, 舖頭又唔似要打烊喎, 仲有好多食客响度, 唔通想我早d埋張單??? 定係純粹招呼太殷勤所致?
張貼