影片
更多
2006-01-17
2 瀏覽
今次罕有地由我做東，請一班姨媽姑姐食飯。訂位時已問定有否12人套餐，佢話做緊$1880的特價套餐，原價是$2,380。去到時竟然話冇得做，但個女部長好好人，佢話可以特惠給我，而且我己預訂了一個大布甸，佢話可以放棄套餐的甜品，加60蚊就可以有個大布甸。第一道上係雞燉翅，一梳梳翅蒲面，不過我覺得不似排翅，用筷子一夾就散，而湯底較油。窩貼大明蝦-炸得不算太油，不過味道好淡，一定要點沙律醬才有味。桂魚卷-魚肉唔結實，有少少霉的感覺；而炸的部份，亦不算好脆。大良炒鮮奶併野雞卷-炒得唔錯，不會過杰，變了糊狀，不過食落幾多油，較膩，而野雞卷不是十分脆口。炸子雞-媽媽大讚唔錯，皮脆肉嫩。另外，乳豬拼盆、生菜片鵪鶉崧、魚湯浸時菜算是不過不失的貨式。炒飯-炒得好乾身，不會太油，飯粒幾爽，配料亦十足。鴛鴦粉果-有炸有蒸，大家都認為炸最好食，炸得好透徹；雖然套餐份量足夠我o地12人食，不過我當然唔少得叫生炒骨啦，不過食落啖啖肉，似咕嚕肉多D。表妹覺得好食，而我就認為甜酸汁的味道恰好，但排骨就炸得唔夠脆，似是翻炸的。西米布甸-雖然大家都食到好飽，但大家對西米布甸都唔夠喉，後悔只叫了一個，如果再叫一個大布甸，我相
訂位時已問定有否12人套餐，佢話做緊$1880的特價套餐，原價是$2,380。
去到時竟然話冇得做，但個女部長好好人，佢話可以特惠給我，而且我己預訂了一個大布甸，佢話可以放棄套餐的甜品，加60蚊就可以有個大布甸。
第一道上係雞燉翅，一梳梳翅蒲面，不過我覺得不似排翅，用筷子一夾就散，而湯底較油。
窩貼大明蝦-炸得不算太油，不過味道好淡，一定要點沙律醬才有味。
桂魚卷-魚肉唔結實，有少少霉的感覺；而炸的部份，亦不算好脆。
大良炒鮮奶併野雞卷-炒得唔錯，不會過杰，變了糊狀，不過食落幾多油，較膩，而野雞卷不是十分脆口。
炸子雞-媽媽大讚唔錯，皮脆肉嫩。
另外，乳豬拼盆、生菜片鵪鶉崧、魚湯浸時菜算是不過不失的貨式。
炒飯-炒得好乾身，不會太油，飯粒幾爽，配料亦十足。
鴛鴦粉果-有炸有蒸，大家都認為炸最好食，炸得好透徹；
雖然套餐份量足夠我o地12人食，不過我當然唔少得叫生炒骨啦，不過食落啖啖肉，似咕嚕肉多D。表妹覺得好食，而我就認為甜酸汁的味道恰好，但排骨就炸得唔夠脆，似是翻炸的。
西米布甸-雖然大家都食到好飽，但大家對西米布甸都唔夠喉，後悔只叫了一個，如果再叫一個大布甸，我相信都食得晒。
布甸後還有奉送的芝麻糊，大家又讚好，認為係即磨芝麻，不是用粉沖制的，老豆仲食一次過了兩碗。
一家人一路食懷舊菜一路講懷舊事，雖然水準只是一般，最緊要開開心心又一餐。
張貼
