影片
更多
2010-11-07
83 瀏覽
係朋友激讚及介紹之下，決定同朋友一共三個人去呢間聞名已久的食店試下，因為去開嗰啲海鮮火煱店都食到悶悶地。去之前心中有個疑問架啦，佢哋去開德X火煱任食咋喎，係咪真係咁好㗎，上到佐敦店樓上后，見到阿蘇大海報話激讚，心中更是期待。原本想訂8點，話滿哂要到9點先有位，9點去到仲要等到9點半，冇計啦，想食好嘢，等下都冇計啦。終於都等到啦，好嘢! 入到去之后，好! 裝修不錯，坐得幾舒服，服務員就水準一般般啦，一看餐牌，哇! 咁貴㗎，都沒所謂，最后點了一個水魚鍋，一個手切肥牛, 一碟四寶丸，一盆什菜，一碟鯇魚片，仲有一、兩碟食咗都冇乜印象嘅嘢，同八罐啤酒。水魚鍋——OK，算不錯，價錢$128算係咁啦!手切肥牛(邊位)——兩百幾蚊一碟大牛，算幾貴，但質量完全唔掂，肉色差，食落冇口感冇牛味，點收得人咁貴㗎，我係深圳嗰間牛肉火煱專門店食嘅手切肥牛收三十幾蚊人仔都好食個佢何止N倍! 真係當人唔識分好定唔好吔! 四寶丸——迷你到極，質量又差，同人哋嗰啲手打蝦丸完全冇得比!什菜——最好呢樣，其他真係普通至極,無乜好講。埋單盛惠$1,200蚊，三個人食，貴係貴，但唔係問題，問題在於啲野食完全唔掂，就算$68任食
水魚鍋——OK，算不錯，價錢$128算係咁啦!
手切肥牛(邊位)——兩百幾蚊一碟大牛，算幾貴，但質量完全唔掂，肉色差，食落冇口感冇牛味，點收得人咁貴㗎，我係深圳嗰間牛肉火煱專門店食嘅手切肥牛收三十幾蚊人仔都好食個佢何止N倍! 真係當人唔識分好定唔好吔!
四寶丸——迷你到極，質量又差，同人哋嗰啲手打蝦丸完全冇得比!
什菜——最好呢樣，其他真係普通至極,無乜好講。
埋單盛惠$1,200蚊，三個人食，貴係貴，但唔係問題，問題在於啲野食完全唔掂，就算$68任食都唔會再嚟，真係唔明點解會咁多人嚟食，只意識到開食店開係旺區嘅重要性，及明星效應。
離開時再見到阿蘇激讚的大相，唉~~ 阿蘇，仲話自己係食家，從今開始我信你先奇啊!
張貼