太子美食閣 (已結業)

我都幾鍾意呢間快餐形式餐廳。鍾意原因好似好衰咁，就係一定有位…但我並非話佢D 唔好食呀，而係一般人廣東道一帶都會去Pokka, Starbucks, Strawberry Forever, Cova，或者酒店coffee shop去嘆下午茶。好少人會去呢間唔係太起眼cafe食。雖然呢間cafe都係Marco Polo開，但唔係好多人知，加上呢間都幾低調，D蛋糕又收得好埋，基本上好難吸引到街客(對手太多喇)。但事實上，酒店"快餐店"梗係有翻咁上下啦！Cheese cake的確唔錯，連我最怕食檸檬味cheese cake都覺得佢lemon cheese cake唔錯，好滑！其他cheese cake味道濃郁，鍾意食濃味cheese cake就晒！而佢燒牛肉都幾正，咪就係酒店水準囉，因為佢的而且確係出自酒店嘛！而家我連早餐都呢度買，雖然係take away，但唔使成日都食大X樂同美X快餐咁悶嘛，都唔錯呀！