龍鳳餃子館 (已結業)

呢間野響公司附近，所以我成日心思思想去試下，間野裡面好細好逼夾, 雖然應該坐到30人, 但坐滿會背脊撞背脊，雖然係咁，但次次經過都full house, 門口仲要排幾個人,終於上個月放完新年我見呢度無咩人，就去試下啦~人地個名叫龍鳳餃子館，其實我好應該叫餃子，但我又犯賤心思思叫酸辣湯麵，點知...就出事啦....個酸辣湯麵黎到，料唔算多, 只有d 豆腐, 筍，肉絲，但我見到d色咁深，應該ok掛?點知一入口...真係嘩左出黎...咁鬼難食既????雖然色水深，但無咩味，好似食緊有色既生粉水麵咁.........我食多兩啖...頂唔順...要加醋...食多兩啖...都係唔得, 又加醋...前前後後加左3次...之後又加d豆辨醬...先可以ko到半碗...之後我好後悔食左人生第一碗咁難食既酸辣湯麵....或者都係叫餃子穩陣d.........