Royal Delights (已結業)

喺網上面見到個蛋糕做得好靚所以特登嚟到新蒲崗買，可能因為我收工先來啦所以得返最後兩個，我立即購買，但係我原本想要嗰個佢話原來未出，我想要嗰個係糖心蛋烏冬，佢話係從來未出過只係我，做咗一個嚟到俾啲記者影相😅嗚門卷烏冬 - 湯係伯爵茶啫喱、烏冬係香草吉士忌廉、嗚門卷就係朱古力，香草吉士忌廉甜到啱啱好，再加埋伯爵茶嘅清香，成個甜品令你食得冇負擔，雖然佢係忌廉，但係一啲都唔膩，而且佢仲要係一個幾好食嘅甜品👍🏻紅腸煎蛋飯 - 紅腸係曲奇餅、雞蛋係白朱古力、表面嘅飯係脆米、裏面係栗子忌廉加栗子碎，好似仲有啲朱古力，呢個飯就比較大碗啲，味道都算好正常合格，相比之下我覺得烏冬好食啲。