Boy n Burger (已結業)

呢間漢堡店開咗好一段日子，但一次都冇幫襯過，今日唔知點解，見到原來佢每日都有唔同優惠，通常係買combo set就免費送一個相同嘅飽，消費超過$80並follow埋佢ig仲有甜品送，唔會因為送咗個飽就無法享受額外優惠。外賣咗Double cheese burger set，加$25轉雲呢拿奶昔，送嘅甜品係雪糕。番到屋企，打開包裝盒，見到份牛肉乾爭爭，食落味道同麥記嘅安格斯差唔多，但麥記唔使呢個價錢囉，而且牛肉頗咸，奶昔不過不失，薯條屬於幼條，因為外賣凍咗，公平啲就唔評論喇，但以$88一份套餐，係有些小失望嘅，而且見呢度嘅評價都係多過，當然，外面賣緊$100+以上嘅漢堡大有店在，但總係覺得味道要對得住價錢，除非食環境啦，不過呢間店嘅裝修係快餐店格局。