梨花園 (已結業)

太耐無食石頭飯，諗住去新港梨花園翻食好正既石頭牛肉飯，點知成個foodcourt無左，於是走去海港城既foodcourt，諗住都係梨花園，唔會太大差別啦。一去到唔使揀，叫左石頭牛肉飯，個位姐姐好"自動"幫我劃左要套餐，好彩我睇到。等左一陣，以為有好野食，點知見到圖中咁乾身既牛肉，已經無乜食慾，不過當係充飢既就無乜特別問題啦。另之前係新港食係有得問阿姐拎某款醬汁(液體狀)，加落石頭飯非常好味，而我係奧海城既韓食家食過都有呢款醬汁。但近期不論旺角、葵芳既韓食家，再加埋今次海港城呢間梨花園都係無既，只得一款咸既汁，同一種唔知係乜既半固體狀醬汁。飯焦方面，更加係萬中無一粒，溫度就好似樓下咁講，都唔多熱。環境分數唔關梨花園事，因為係關海港城foodcourt