新森林焗之專門店 (已結業)

走進店內發現好多睇上去唔關事的海報，但望真啲🧐，有啲係義工招募，有啲係餐廳同大學聯合活動，原來是間良心小店。😇望左餐牌一會，叫左一個鮮茄牛脷飯🐮，再加錢配羅宋湯凍奶茶。加錢嘅羅宋湯唔係求求其其👍有落足料，一羹舀起是滿滿的湯料。餐湯絕對抵飲😋到左主角鮮茄牛脷飯喇！唔知係唔係飲完個羅宋湯嘅關係，呢個茄汁底嘅焗飯食起上黎有啲略酸，酸到有種蓋過晒其他味道的感覺。另外從側面睇就望到，其實個焗飯份量不大，甚至隻碟都厚過佢。我自問食量較大，望到之後有少少失望 🙍‍♂️。相或者影得不算清楚，但牛脷切得偏薄。❌個人認為牛脷好食地方在於佢冇根冇骨亦唔會韌，放入口裡啖啖肉擠滿口腔舌頭之間的感官🤯。但當你牛脷切得太薄就失去食牛脷的呢份快感，而且焗飯只有兩塊，好似過下口癮咁。🤧整體來講新森林都係一間良心店💪，餐前羅宋湯令我有少少期待。但焗飯略為偏酸，而且牛脷切得太薄太少。做良心店都不要太慳家啊！🉑