影片
更多
2011-02-17
11 瀏覽
尋晚(16-2-2011 Wed)約好同女友人TW食飯,佢揀o左呢o度,而呢o度限食2hrs.好食o既有:1-5. 刺身: 三文魚,赤貝,甜蝦,鮑片同(魚立)魚,幾新鮮.6. 南瓜天婦羅,好甜.7. 加州卷,其實佢料好足,不過係細細件.8. 越式札肉粉卷,呢個差唔多成個鐘至到,以為漏單.魚露好夠好味,面上同裡面o既花生碎好香脆,餡料係黑色爽口o既o野,但唔知係乜,應該係雲耳o個類.正常o既有:9- 19. 蝦天婦羅,雞軟骨串,冬菇串,軟殼蟹卷,牛油炒雜菜,芒果布甸,桂花糕,火炙三文魚加州卷,燒粟米,金菇肥牛卷(燒汁唔平均,我o個件太甜)差少少o既有:20. 蒜片炒牛柳粒,蒜片炸到好硬,咬唔到又唔香;但牛柳粒都OK.21. 豉椒炒花甲,呢個幾似樣o既,不過唔夠鑊氣,始終呢o度唔係做專業中餐o掛.22. 車厘茄串燒,上枱見到有煙肉包住好細粒o既車厘茄,車厘茄o既酸甜係中和到煙肉o既鹹,亦好味,但可惜車厘茄真係太細粒,功效發揮好有限.唔好食o既有:23. 椒鹽三文魚,呢個係畀錯o既,呢個成個冇乜味.24. 刺身沙律,有三文魚,吞拿魚刺身,同有車厘茄同沙律菜,而應該係鱆紅魚o既刺身,好鯹.黑醋
好食o既有:
1-5. 刺身: 三文魚,赤貝,甜蝦,鮑片同(魚立)魚,幾新鮮.
6. 南瓜天婦羅,好甜.
7. 加州卷,其實佢料好足,不過係細細件.
8. 越式札肉粉卷,呢個差唔多成個鐘至到,以為漏單.魚露好夠好味,面上同裡面o既花生碎好香脆,餡料係黑色爽口o既o野,但唔知係乜,應該係雲耳o個類.
正常o既有:
9- 19. 蝦天婦羅,雞軟骨串,冬菇串,軟殼蟹卷,牛油炒雜菜,芒果布甸,桂花糕,火炙三文魚加州卷,燒粟米,金菇肥牛卷(燒汁唔平均,我o個件太甜)
差少少o既有:
20. 蒜片炒牛柳粒,蒜片炸到好硬,咬唔到又唔香;但牛柳粒都OK.
21. 豉椒炒花甲,呢個幾似樣o既,不過唔夠鑊氣,始終呢o度唔係做專業中餐o掛.
22. 車厘茄串燒,上枱見到有煙肉包住好細粒o既車厘茄,車厘茄o既酸甜係中和到煙肉o既鹹,亦好味,但可惜車厘茄真係太細粒,功效發揮好有限.
唔好食o既有:
23. 椒鹽三文魚,呢個係畀錯o既,呢個成個冇乜味.
24. 刺身沙律,有三文魚,吞拿魚刺身,同有車厘茄同沙律菜,而應該係鱆紅魚o既刺身,好鯹.黑醋唔多夠.
25. 木糠布甸,裡面竟然有蛋糕,cream同餅乾碎太甜,估唔到細細杯都好漏.
26. 西檸軟雞,每件係細細件,亦做到有西檸味,但係粉多,內裡o既唔似雞,唔好食,食一件已經唔食.
飲品:
27. 西洋菜蜜(熱),開頭覺得甜度OK,唔太甜,但飲到底就超甜,因為冇攪攪棒嘛.
28. 金蜜桃特飲,唔太甜,蜜桃味清.
29. 綠茶(熱),一杯好細杯,要叫多兩杯o黎飲,呢個正常.
TW食,我冇食o既: 馬豆糕(冇評價),芝麻鰻魚壽司(好香芝麻味),
環境:
我o地去到時係搭枱,明明兩張枱可以分開,經理見我o地好驚訝,佢至將兩張枱分開.
都坐得幾舒服,不過通道好似窄o左啲,侍應行過成日都撞到我張椅.
服務:
會畀o左同亂畀食物,我o地剔o左椒鹽鮮魷冇o黎到,竟然畀o左椒鹽三文魚.又無端端畀多串o野我o地.
不過都算勤快啦.
衛生:
座位o既地下黐笠笠o既.
我食刺身沙律時,竟然食到一粒粒煙煙韌韌咬唔開o既o野,原來係發泡膠粒.
總括而言,$168.00一個人食到多國菜又有火鍋,都係唔錯o既選擇.
張貼