鈴木珈啡館 (已結業)

响德福MCL中午睇戲之前，有少少時間，但係又想行太遠食飯，剛巧有間餐廳响戲院裡面。咁就去開下餐。點左個LUNCH SET，基本都係包一個西蘭花湯同一杯西芹蘋果汁，都幾特別全綠色。其實西芹蘋果汁呢個配合真係幾特別，味道清甜，但係西芹味太多遮蓋左蘋果味。但係整體上都不錯講番個主菜，咖哩牛肉飯，忌廉磨菇意粉，海鮮意粉。味道都不錯，份量都差不多。日式咖哩唔係太辣，唔知係唔係焗得太耐，D飯有點兒"冧"左。相反，個忌廉磨菇意粉，D意粉好爽口，而且係特別個白汁，令碟意粉唔同晒。上菜時間都好快，都唔洗等咁耐，唔怕會錯過左場戲。整體來講都係一個唔錯的選擇，但係只嫌太貴呀~~但係同朋友拍拖睇戲食飯一條龍的地方，不失為一個好好的地方。