Grubers (已結業)

淘大嘅平戲以後都冇得睇， 最後一日都要支持下， 睇完戲又去到肚餓嘅時間 ，左行右行行咗去德福， 本身諗住行過megabox ，最後都係留返喺到， 經過另一戲院門口， 一陣陣香氣飄出， 果斷入去試一試。購買方法好簡單， 先行去畀錢叫嘢食， 轉頭佢會比較黑色飛碟你， 嘢食好快就會上枱。佢有分單層或者雙層漢堡包，今次我就食下單層漢堡包， 套餐比散叫平，一個餐丫唔該。漢堡包餡料為墨西哥辣椒漢堡，Toppings點了煙肉及蘑菇，配炸雞塊配招牌薯條，飲品 香港友啤酒。 最出色嘅係包住漢堡包嘅包裝紙， 包裝紙個設計好似錫紙咁，令個漢堡包保溫程度比一般快餐店好。炸雞 外表少少脆， 內裏肉質鮮嫩， 薯條拼炸雞， 一客有三件，都幾驚喜。不過重點都係杯啤酒 ，香港自家製， 本土出品， 可惜我個人比較鍾意飲麥味重嘅啤酒， 佢就比較甜。淨係有生啤飲，已經值得推薦， 下次叫多幾個朋友， 又可以暢飲一番。