影片
更多
2021-03-06
7709 瀏覽
想去呢間打卡熱店摩洛哥風西泰Fusion 餐廳朝聖好耐，啱啱開返晚市堂食即刻OpenRice book枱試食，仲要講明坐outdoor seats。出面其實係一個大露台，都有幾多枱櫈同埋位同位之間都闊落嘅。不過如果想坐出邊都有一個條件，就係每人一定要叫一杯飲品，同埋侍應會問你食唔食水煙。其實我就唔食煙，同埋唔會食水煙，只不過貪得意想試吓坐戶外諗住好feel啲。現實係左右隔離會有人吸煙同埋食水煙，如果你好似我咁唔食煙就會吸晒二手煙ssss😅同埋佢哋張凳係木嘅，背脊係冇得挨住，加上張枱其實係茶几，食嘢嘅時候要烏低身食，成餐飯都食得幾辛苦。所以強烈建議大家如果係正正經經食飯就坐返入邊啦。講返嘢食先，食物整體係有質素嘅，份量都算正常。略嫌飲品就普通咗啲。冬陰功大蝦意粉🍝（蝦有兩大隻，已經細心幫你開邊，好易食，唔會有雪味，肉質不錯。意粉軟硬適中，個冬陰功味做得恰到好處，酸酸辣辣好開胃😋牛油果鰻魚pizza，鰻魚足料，同牛油果都幾夾，個批係脆脆的簿批。奶蓋士多啤梨🍓（呢杯好似$58但唔好期望佢好大杯， size只係普通茶餐廳凍檸茶咁，飲落去好似一杯麥當當士多啤梨新地溶咗嘅版本，但唔係難飲嘅）蘋果柚
出面其實係一個大露台，都有幾多枱櫈同埋位同位之間都闊落嘅。不過如果想坐出邊都有一個條件，就係每人一定要叫一杯飲品，同埋侍應會問你食唔食水煙。
其實我就唔食煙，同埋唔會食水煙，只不過貪得意想試吓坐戶外諗住好feel啲。現實係左右隔離會有人吸煙同埋食水煙，如果你好似我咁唔食煙就會吸晒二手煙ssss😅
同埋佢哋張凳係木嘅，背脊係冇得挨住，加上張枱其實係茶几，食嘢嘅時候要烏低身食，成餐飯都食得幾辛苦。所以強烈建議大家如果係正正經經食飯就坐返入邊啦。
講返嘢食先，食物整體係有質素嘅，份量都算正常。略嫌飲品就普通咗啲。
冬陰功大蝦意粉🍝（蝦有兩大隻，已經細心幫你開邊，好易食，唔會有雪味，肉質不錯。意粉軟硬適中，個冬陰功味做得恰到好處，酸酸辣辣好開胃😋
牛油果鰻魚pizza，鰻魚足料，同牛油果都幾夾，個批係脆脆的簿批。
奶蓋士多啤梨🍓（呢杯好似$58但唔好期望佢好大杯， size只係普通茶餐廳凍檸茶咁，飲落去好似一杯麥當當士多啤梨新地溶咗嘅版本，但唔係難飲嘅）
蘋果柚子梳打（feel like柚子蜜溝蘋果濃縮汁梳打水咁，蘋果配柚子係幾夾但未到好飲既感覺）
PS. 上菜速度快、坐戶外好似唔限時、不過坐出面只有一個侍應長駐，好多時要落單或者有要求都要自己行過去同佢講。
張貼
