6人枱坐8個人, 4人枱坐6個人
連𨋢口都要放枱, 坐個枱嘅都好慘, 啲人出出入入, 開門關門撞口撞面, 記得, 呢度係勁迫.
迫到你企都無位企. (好似話新鋪大咗?)
我地Total 7位, 5位準時到, 咁就叫職員先上雞煲.
雞煲份量好少 , 而且係凍, 個爐勁慢, 大概煮15-20分鐘. 嘩, 屈機, 我地已經feel 到唔會夠時間食.
因為每人只有分到兩件雞, 有朋友唔夠喉, 叫佢再加雞煲, 即係我又要煮15-20分鐘.
我地都知唔夠時間, 叫職員先上海鮮, 但事實上我地食完第二次雞煲, 都要等好耐 (唔記得幾耐, 20分鐘?)先到(圖)
跟住我地好快手食完海鮮, 佢再上個爐轉打邊爐 (果然湯底又係凍嘅), 又要等佢個無力嘅爐慢慢煲, 呢個時候, 佢就話要任食牛, 要like 佢社交媒體網站, 但呢樣事前無講, 宣傳一路都話任食. 算啦, 我地都like咗, 之後佢再俾張單我地, 同埋已經最後30分鐘! 呢個時候, 我地每人只係食咗4件雞, 每款海鮮一隻. 到個湯滾起, 大家只係淥2轉嘢食就要走了.
最尾我人生第一次食完任食去食宵夜!!!
