The Socialhouse (已改名) 查看

前排去Social House食飯，氣氛好放鬆，好岩情侶/朋友坐一晚傾吓偈🤗芒果柚子沙律好開胃，芒果同柚子都新鮮，酸酸甜甜加埋煙肉好夾！蕃茄湯馬刀貝都好令人驚喜，貝類嘅鮮甜入晒蕃茄湯度好好飲，馬刀貝都大隻，啖啖肉估唔到馬友可以法式😆 馬友嫩滑多汁，魚油十足！焗得剛剛好，加埋蕃茄仔中和左油膩度，但其實都飽下烤鴨胸闊麵相對失色，不過鴨胸份量好多，闊麵亦彈牙朱古力mousse綿密滑順，朱古力味極濃郁，如果偏向dark chocolate我會更鍾意最後要提下佢哋嘅自家製麵包，一上枱酥脆又鬆軟，加上佢嘅蕃茄香草味，咩都唔洗加就咁食已經好好食！清晒🤭