影片
更多
2015-03-09
855 瀏覽
今日同相識多年嘅好友慶祝生日, 我地三個由細玩到大, 以前放假星期六日就去露營, 一齊參加童軍, 亦試過係天氣如四季嘅飛鵝山露營, 夜晚凍到打冷震, 懶得煮飯就打邊爐解決, 嗰時開始決定每逢生日就打邊爐慶祝!! 餐廳只選用本地新鮮雞, 絕對唔會用冰鮮雞, 雖然價錢相對較高, 但係香港做QC點都好啲, 食都會更安心 6:00pm 黎到已經有幾位客人, 裝修簡約, 牆身以黑白色為主, 座位較疏落, 坐得好舒服!喺等緊朋友期間, 附近客人點嘅雞煲香味已經直入我個胃, 我快暈啦, 朋友幾時先到><各款雞煲都可以選擇唔同嘅雞, 有嘉美雞, 粵皇雞, 泰安雞...由瘦至肥咁排, 亦有香港bb雞, 唔係因為佢細隻, 而係因為肉質比較嫩, 先有呢個名 除左雞煲, 如果朋友淨係想打邊爐, 亦有冬瓜瑤柱豬骨煲, 只係68蚊 German Pieroth Blue Bahe $338依家做推廣, 嗌一支酒送桶蠔set 食火鍋都可以慢慢享受, 有紅白酒選擇泰式雞煲$238 (3.5/5)出面好多雞煲都係麻辣, 我個人就好怕麻嘅感覺, 令嘴唇舌頭麻痺, 好似會試唔清楚其他食物嘅味道,
餐廳只選用本地新鮮雞, 絕對唔會用冰鮮雞, 雖然價錢相對較高, 但係香港做QC點都好啲, 食都會更安心
6:00pm 黎到已經有幾位客人, 裝修簡約, 牆身以黑白色為主, 座位較疏落, 坐得好舒服!
喺等緊朋友期間, 附近客人點嘅雞煲香味已經直入我個胃, 我快暈啦, 朋友幾時先到><
各款雞煲都可以選擇唔同嘅雞, 有嘉美雞, 粵皇雞, 泰安雞...由瘦至肥咁排, 亦有香港bb雞, 唔係因為佢細隻, 而係因為肉質比較嫩, 先有呢個名
除左雞煲, 如果朋友淨係想打邊爐, 亦有冬瓜瑤柱豬骨煲, 只係68蚊
German Pieroth Blue Bahe $338依家做推廣, 嗌一支酒送桶蠔set 食火鍋都可以慢慢享受, 有紅白酒選擇
German Pieroth Blue Bahe
$338
24 瀏覽
0 讚好
0 留言
出面好多雞煲都係麻辣, 我個人就好怕麻嘅感覺, 令嘴唇舌頭麻痺, 好似會試唔清楚其他食物嘅味道, 本來想試椰子雞煲, 但見剛推出嘅泰式香辣雞煲, 最鍾意試新野嘅我, 一秒間就比佢吸引咗
雞肉煮到啱啱熟, 食第一舊, 雞肉好易就離咗骨, 一啜就搞掂, 每一個雞煲都會有一個特色嘅加湯湯底, 唔會比普通清湯溝淡味道, 而我地呢個係泰式湯底, 有啲酸辣, 味道有啲似食生蝦嗰個辣汁
泰式雞煲
$238
11 瀏覽
0 讚好
0 留言
羊肉肥少少就好喇, 因為比較鐘意脂肪嘅羶味
羊肉片
$82
13 瀏覽
0 讚好
0 留言
可即食! 真係冇油益味, 可以當薯片咁食! 哈哈
即炸響鈴
19 瀏覽
0 讚好
0 留言
碟牛肉靚到呢!! 急住推介俾大家, 一般食肥牛都習慣煮到變啡色先食, 第一片都係依從呢個方法啦, 之後店員見我地手法唔對路就過黎指教吓, 因為呢到用嘅係本地新鮮牛肉, 脂肪比較少, 而且分佈平均, 所以滾5-8秒令牛肉變少少深粉紅色即可, 比較香!
特級手切肥牛
$238
22 瀏覽
0 讚好
0 留言
超大隻!!超養眼!! 味道新鮮, 滑到好似豆腐咁
桶蠔
44 瀏覽
1 讚好
0 留言
雙拼餃$118金牌水餃皇(5/5) 裏面有豬肉, 蝦, 木耳花生味道特別香,食落並唔係花生醬咁"漏", 而係似焗過嘅花生
黑松露帶子(4.5/5) 帶子唔係切到好碎, 仲食得出佢一粒粒, 松露味都幾濃, 如果食淡味火鍋會更適合, 唔係就會過咸, 試唔到真正味道, 建議大家如果食淡味湯底, 一定要試下!!
花膠$72 (4/5)
任何年紀女士們嘅首選, 麻甩火鍋中都不忘肌膚保養 因為同兩位男士食, 無人同我爭哈哈
花膠本身比較硬, 記得唔好太遲落!!我第一時間一次過放哂落去, 可以俾佢索吓湯底味道
唐生菜$38 (3.5/5)
Asahi $20/支
手打四寶丸$118 (4/5)蝦丸-試過整蝦膠, 手工都好繁複, 因為好難先令蝦肉痴埋, 蝦肉好新鮮不錯!
牛丸-我同隔離枱嘅食客見到牛丸嘅問題都係"紅色嗰粒咩黎架?" 因為平時見到嘅都係煮熟咗嘅牛丸, 深啡色, 第一次見!
墨魚丸-蝦丸外面佈滿蝦子, 食起上黎好卜卜脆, 好似霹拍紙不停拍拍拍拍拍, 口感最特別!
鯪魚丸-魚肉夠肉地好大粒, 好似無加任何麵粉係裏面, 仲有種淡淡果皮香
白鱔片$88 (5/5)當然唔會放過!! 白鱔起成薄片, 容易掌握熟既程度, 絕對唔會煮得太老!!
韮菜餃$78 (3.5/5)Wow食過最大嘅韭菜餃 不過裏面淨係得韮菜, 個人會比較鍾意裏面啲豬肉蝦肉個種, 質感比較好, 新鮮做嘅餃子係唔同啲! 好似個皮咁, 煮完都唔會卷埋, 好似金魚尾散開嘅感覺
韮菜餃
$78
28 瀏覽
1 讚好
0 留言
推介此餐廳 4/5 雖然一睇價錢都略高, 但好似花膠白鱔, 手打鮮肉丸, 脹卜卜嘅水餃, 每樣食材都接近滿分水平, 我仲回味緊平均消費$584, 3個人, 半隻雞煲+10樣食物+1枝白酒+2枝啤酒 #mohkcfood600below
奇樂香辣雞煲 K Lok Spicy Chicken Hot Pot
星期一至日: 18:00-01:00
尖沙咀山林道29-31號廣利樓地下4號鋪Tel: 2392 8433 / 6719 7273 (Whatsapp)
張貼
