茶樂 (已結業)

搭車行街已經經過無數次呢間鋪嘅不同分店，見到手作珍珠好似好用心製作咁，望見poster係幾靚，都好奇究竟好唔好飲，終於今次輪到呢間茶樂。見到有細杯供應嘅店都會好開心，因為唔使買咁大杯，細細杯試下就好～櫻花樹下 $34本來係宇治抹茶拿鐵配手作櫻花珍珠，但冇晒櫻花珍珠，唯有改要桂花珍珠，如果要影相就冇咗個效果。首先我係嗌咗半糖，太失策！半糖對我黎講都好甜！加上啲桂花珍珠本身都有一定甜度，第一啖覺得甜到漏。。。不過桂花珍珠幾煙韌幾好食，好明顯係手作珍珠大粒得黎好軟糯個種質感，冇乜Q彈感所以咬得耐啲牙就開始攰唔想咬。皇牌琥珍珠撞奶 $30朋友個款原味甜度，仲要配黑糖珍珠，我已經想像到會有幾咁甜，試咗一啖就不了。但珍珠係Q彈啲個種，同手作珍珠唔同，質感不錯啦。