手作鮮芋站 (已結業)

之前經過無時間買 今次終於可以試到😆係芋泥控的最愛 我都試過自己買芋頭返屋企整 看似簡單但都幾花時間 出面買就方便好多🍴芋泥肉鬆吐司◽️麵包有輕輕烘過 食落有輕微脆脆地 又有牛油香◽️芋泥好綿密 唔會好甜 微糖人士表示：甜度調得非常好，加埋肉鬆咸咸甜甜咁 一啲都唔會膩 食曬一個都幾飽肚🤭🍴芋泥奶凍吐司◽️奶凍大大舊夠厚身，同樣唔會過甜，食落陣陣奶香味，加埋一齊食口感幾得意，一樣咁好食😋◾️我諗作為芋泥控 食過一次呢間小店後 會成日都好掛住😍價錢亦都唔會太貴 可以沖去試！