黑麥 (已結業)

慵懶嘅星期日上午，最適合就係去brunch。位於天后嘅呢間小店💛💛絕對係星期日brunch嘅好去處。餐廳內更加有連儂牆，幫襯嗰陣可以寫低自己嘅心意。地我叫咗煙三文魚黑麥麵包，all day breakfast同scone。黑麥麵包真係好好食，可能係為咗迎合香港人嘅口味，佢比起傳統嘅黑麥麵包冇咁乾身，不過都好香，配上佢嘅capers cream cheese，更加突出黑麥麵包。而all day breakfast都幾有驚喜，佢嘅baked beans加入左菠蘿，原本以為會酸酸甜甜，但係喜出望外地，竟然有一陣煙熏味，真係幾特別。另外我哋加咗scone，有啲令人失望。60蚊兩件，以佢嘅質素真係有啲貴。Size相比起出邊嘅比較細件，冇乜牛油香味，而且放咗好耐，好乾身，而中間更加係凍嘅。附上嘅clotted cream更加唔知放咗係冰箱幾耐，我食到嘅，只係一塊塊嘅冰。